Ana Paulowna Romanova

Ana Paulowna Romanova
	; Irudi gehiago
Consort of the Netherlands (en)	; 1840ko urriaren 7a - 1849ko martxoaren 17a ; ← Friederike Luise Wihelmine - Sofia Württembergekoa →
Consort of the Netherlands (en)
Bizitza
Jaiotza	San Petersburgo, 1795eko urtarrilaren 18a
Herrialdea	Errusiar Inperioa
Bizilekua	Academy Palace (en)
Heriotza	Haga, 1865eko martxoaren 1a (70 urte)
Hobiratze lekua	Nieuwe Kerk Delft (en)
Familia
Aita	Paulo I.a Errusiakoa
Ama	Maria Feodorovna (Sofia Dorotea Württembergekoa)
Ezkontidea(k)	Gilen II.a Herbehereetakoa (1816ko otsailaren 9a (juliotar egutegia), 1816ko otsailaren 21a - 1849ko martxoaren 17a)
Seme-alabak	ikusi Gilen III.a Herbehereetakoa; Alexander van Oranje-Nassau; Hendrik van Oranje-Nassau; Prince Ernest Casimir of the Netherlands (en) ; Princess Sophie of the Netherlands (en) ;
Haurrideak	ikusi Grand Duchess Maria Pavlovna of Russia (en) ; Grand Duchess Alejandra Austria Pavlovna of Russia (en) ; Catherine Pavlovna of Russia (en) ; Grand Duchess Elena Pavlovna of Russia (en) ; Grand Duchess Olga Pavlovna of Russia (en) ; Nikolas I.a Errusiakoa; Alexandro I.a Errusiakoa; Konstantino Paulovitx Errusiakoa; Grand Duke Michael Pavlovich of Russia (en) ;
Leinua	Holstein-Gottorp-Romanov (en)
Jarduerak
Jarduerak	margolaria eta marrazkilaria
Jasotako sariak	ikusi Order of Saint Catherine ; Order of Queen Maria Luisa ;
Sinesmenak eta ideologia
Erlijioa	Errusiar Eliza Ortodoxoa

Ana Paulowna Romanova (errusieraz: Анна Павловна; San Petersburgo, Errusiako Inperioa, 1795eko urtarrilaren 18a - Haga, 1865eko martxoaren 1a) Herbehereetako erregina izan zen Gilen II.arekin ezkondu ondoren. Paulo I.a Errusiako tsarraren eta Maria Feodorovna tsarinaren alaba eta, era berean, Katalina II.a Errusiakoaren biloba zen.

Biografia

Paulo I.a Errusiakoa eta bere familia

Gilen II.a eta bere familia

Ana Paulowna Romanova San Petersburgon jaio zen, Gattxina jauregian, 1795eko urtarrilaren 18an. Aita Paulo I.a Errusiakoa izan zuen, Errusiako tsarra, eta ama, berriz, Maria Feodorovna tsarina, jaiotzez, Sophie Dorothea Württembergekoa. Bikoteak 10 seme-alaba izan zituen eta Anaren aurretik beste 7 seme-alaba jaio ziren. Amarekin hazi zen Tsarskoye Selon, Romanov sendiaren udako jauregian, bere bi anaia txikienekin batera, Nicholas (1796-1855) eta Michael (1798-1849). Hauxe zen senide guztien zerrenda:

Alexandro I.a Errusiakoa, ondorengo tsarra izango zena (1777 – 1825).
Konstantino Pavlovich Poloniako erregeordea, 1822an ondorengotzarako eskubideei uko egingo ziena (1779-1831).
Alexandra Paulowna Austriako artxidukesa (1783-1801).
Elena Paulowna Mecklemburgo-Schwerineko oinordeko printzesa (1784-1803).
Maria Paulowna Saxonia-Weimar-Eisenacheko Dukesa Handia (1786-1859).
Katalina Paulowna Wurtembergekoa (1788-1819).
Olga Paulowna (1792-1825).
Ana Paulowna, Gilen II.a Herbehereetakoarekin ezkonduko zena (1795-1865).
Nikolas I.a Errusiakoa, Karlota Prusikoarekin (Alejandra Fiódorovna) ezkonduko zena (1796-1855).
Migel Pavlovich, Karlota Württembergekoarekin ezkonduko zena (Elena Pávlovna) (1798-1849).

Heziketa aberatsa jaso zuen eta atzerriko hizkuntzak eta matematikak ikasi zituen. Horretaz gain, eskulakan eta margoketan oso trebea zen Ana.

Errusia eta Frantzia bakean zeuden une batean, Napoleonek ezkontzeko eskatu zion, baina bai anaia Alexandro I.a Errusiakoa tsarrak eta baita ama Maria Feodorovnak ere ez zuten eskaera hura begi onez ikusi, dukesa handiaren maila jaitsiko zelakoan, enperadorean jatorria ez baitzen noblea. Hori gutxi balitz, erlijioz ere aldatu beharko zuen eta hori ez zuen ondo ikusten Maria Feodorovnak. Azkenean, Napoleon aspertu egin zen zain eta Maria Luisa Habsburgo-Lorenakoarekin, Austriako enperadorearen 18 urteko alabarekin ezkonduko zen.

1816ko otsailaren 21ean, San Petersburgoko Neguko Jauregiko kaperan ezkondu zen Gilen Orangeko printzearekin, geroago Herbehereetako Gilen II.a izango zenarekin. 1840ko urriaren 7an, bere aitaginarreba zen Gilen I.a Herbehereetakoak abdikatu ondoren, herrialdeko erregina ezkontide bilakatu zen.

Bikoteak 5 seme-alaba izan zituen:

Gilen III.a Herbehereetakoa (1817-1890), lehenengo Sofia Wurtembergekoarekin eta, gero, Emma Waldeck-Pyrmontekoarekin ezkonduko zena.
Alexandro Sascha (1818-1848).
Enrike Nabigatzailea (1820-1879), lehenengo Amalia Saxonia-Weimar-Eisenachekoarekin eta, gero, Maria Prusiakoarekin ezkonduko zena; ondorengorik gabe.
Ernesto Casimiro (1822).
Sofia (1824-1897), Alexandro, Sajonia-Weimar-Eisenacheko Duke Handiarekin ezkonduko zena.

Herbehereetako Ipar Holanda probintzian dagoen Anna Paulowna herriak, bere omenez darama izena, Paulowniaceae zuhaitz familiak bezala.

Lev Tolstoien Gerra eta Bakea eleberriko pertsonaietako batek ere bere izena darama.

Wikimedia Commonsen badira fitxategi gehiago, gai hau dutenak: Ana Paulowna Romanova

Datuak: Q160800
Multimedia: Anna Pavlovna of Russia / Q160800