Bordetella
Bordetella generoa bakterio Gram negatiboz osatuta dago, bazilo itxura dutenak. Bazilo txikiak dira (kokobaziloak, 0,6/0,2 mikrakoak) eta aerobio hertsiak. Espezie batzuk flagelodunak eta mugikorrak dira, baina gehienak ez dira mugitzen. Ez dute esporarik sortzen.
| Bordetella | |
|---|---|
 | |
| Sailkapen zientifikoa | |
| Erreinua | Pseudomonadati |
| Filuma | Pseudomonadota |
| Klasea | Betaproteobacteria |
| Ordena | Burkholderiales |
| Familia | Alcaligenaceae |
| Generoa | Bordetella Moreno-López 1952
|
| Azpibanaketa | |
| Datu orokorrak | |
| Gram tindaketa | bakterio gram-negatibo |
Eskakizun nutritibo zorrotzak dituzte. Hori dela eta, ez dira hazten hazkuntza-inguru arruntetan. Laborategian hazkuntza-inguru aberatsak erabiltzen dira mikrobio hauen hazkuntza errazteko, besteak beste odola dutenak (odolezko agarrak).
Genero honetako bakterioek ez dute glukosa ezta beste gluzidoak ere katabolizatzen, eta haien energia aminoazidoen katabolismotik eskuratzen dute.
Bordetella guztiak parasito hertsiak dira, ezin baitute aske bizi. Giza-patogenoak hiru dira: Bordetella pertussis, Bordetella parapertussis eta Bordetella bronchiseptica. Lehenengo biek kukutxeztula eragiten dute, eta hirugarrena mikrobio oportunista da, immunogutxituengan infekzioak sortzen dituena.
Wikimedia Commonsen badira fitxategi gehiago, gai hau dutenak: Bordetella  |
Datuak: Q893440
Multimedia: Bordetella / Q893440
Espezieak: Bordetella