Emil Zátopek

Atletismoa
Kirol diziplinak	5.000 metroko lasterketa; 10.000 metroko lasterketa; distantzia luzeko lasterketa; maratoia
Errekorrak
Marka pertsonalak

Emil Zátopek
	; (1951) Irudi gehiago
Bizitza
Jaiotza	Kopřivnice, 1922ko irailaren 19a
Herrialdea	Txekoslovakia ; Txekia
Talde etnikoa	Txekiarra
Lehen hizkuntza	txekiera
Heriotza	Praga, 2000ko azaroaren 21a (78 urte)
Hobiratze lekua	Rožnov pod Radhoštěm
Heriotza modua	: istripu zerebrobaskularra
Familia
Ezkontidea(k)	Dana Zátopková (1948ko urriaren 24a - 2000ko azaroaren 21a)
Familia	ikusi Alois Zátopek (en) (lehengusu txiki);
Hezkuntza
Hizkuntzak	txekiera
Jarduerak
Jarduerak	atleta, career soldier (en) , lasterkaria, Olympic competitor (en) eta ofizierra
Atletismoa
Kirol diziplinak	5.000 metroko lasterketa; 10.000 metroko lasterketa; distantzia luzeko lasterketa; maratoia
Errekorrak
Marka pertsonalak
	Parte-hartzailea athletics at the 1948 Summer Olympics – men's 5000 metres (en) (2.); athletics at the 1948 Summer Olympics – men's 10,000 metres (en) (1.); athletics at the 1952 Summer Olympics – men's 5000 metres (en) (1.); athletics at the 1952 Summer Olympics – men's 10,000 metres (en) (1.); Atletismoa 1952ko Udako Olinpiar Jokoetan – Gizonezkoak maratoia (1.); Atletismoa 1956ko Udako Olinpiar Jokoetan – Gizonezkoak maratoia (6.) ;
Pisua	68 kilogramo, 72 kilogramo
Altuera	182 zentimetro
Jasotako sariak	ikusi Medal of Merit, 1st class (1998ko urriaren 28a) ; Pierre de Coubertin Medal (2000) ; honorary citizen of Třebíč (1949ko abuztuaren 20a) ; Jiří Guth-Jarkovský prize ; honorary citizen of Kopřivnice (1992ko urriaren 8a) ; honorary citizen of Lázně Toušeň ; honorary citizen of Brandýs nad Labem-Staré Boleslavi (1993) ; Silver Olympic Order (1989) ;
Gradua	staff captain (en)
Sinesmenak eta ideologia
Alderdi politikoa	Txekoslovakiako Alderdi Komunista

Emil Zátopek (1922ko irailaren 19a, Kopřivnice, Txekoslovakia – 2000ko azaroaren 22a, Praga, Txekiar Errepublika), txekoslovakiar kirolari bat izan zen. Iraupen probetan espezialista, ospetsu egin zen 1948ko eta, batez ere, 1952ko Olinpiar Jokoetan. Bere indar eta erresistentziagatik nabarmendu zen, baita bere erritmoaren irmotasunagatik ere. Bertute horien ondorioz, Giza Tren-makina eta Txekiako Tren-makina goitizenak jarri zizkioten.

Zátopek (ezkerrean), Reinaldo Gornorekin, gizonezkoen maratoia bukatu eta gero, 1952ko Olinpiar Jokoetan (Helsinki)

Emazte izan zuen Dana Zátopkováren jaiotzaren egun berean jaio zen. Oinetako fabrika batean lanean ari zela hasi zen atletismoan, lantegiko entrenatzaileak horretara behartuta, 1940an. Lau urte besterik ez zuen behar izan Txekoslovakiako errekorrak hausten hasteko. Urte hartan bertan, 1944an, Txekoslovakiako zortzi txapelketa irabazi zituen, 5.000 eta 10.000 metroko probetan. 1948ko Olinpiar Jokoetan, urrezko domina lortu zuen 10.000 metroko proban, eta zilarrezkoa 5.000koan. Bi urte geroago, Bruselako Europako txapelketan, bi probetan garaile izan zen. Baina Helsinkiko Olinpiar Jokoetan lortu zuen atletismoaren historiara pasatzea, astebetean, 5.000 metroko proba (emazteak xabalina jaurtiketako proba irabazi baino ordubete lehenago), 10.000 metroko proba eta maratoia irabazi baitzituen.

Ondoren Bernan (Suitzako) jokatu zen 1954ko Europako txapelketan parte hartu zuen: han, berriz ere, 10.000 metroko lasterketan garaile izan zen, eta 5.000 metrokoan brontzezko domina lortu zuen. 1956ko Olinpiar Jokoetan, Australiako Melbourne hirian, maratoiko proban seigarren izan zen. 1958an, Lasarteko Nazioarteko Krossean, amaitu zuen bere kirol karrera. Ordu arte, guztira 334 lasterketatan parte hartu zuen, horietatik 261etan irabazita, eta hainbat distantziatan munduko 18 errekor ezarrita.

Txekoslovakian heroi nazionaltzat zuten, eta koronel mailaraino igo zen. Hala ere, 1968an Pragako udaberria deritzon matxinadan Alexander Dubceki eman zion laguntzaren ondorioz, Alderdi Komunistatik eta Armadatik kanporatu zuten. Orduan, bere bizitzako garai ilun bat hasi zen. Bizirik irauteko, kale garbitzaile lan egin behar izan zuen. 1975ean damua agertu zuen, eta Zátopeken irudia neurri batean berrabildu zuen erregimen komunistak. 2000ko azaroak 22an hil zen, Pragan.

Ikus, gainera

Atleta ezagunen zerrenda

Kanpo estekak

Datuak: Q52589
Multimedia: Emil Zátopek / Q52589