Errotari

Errotaria edo Salataria (Clitopilus prunulus) Entolomataceae familiako onddo espezie bat da.

Errotaria
Irudi gehiago
Iraute egoera
Arrisku txikia  (IUCN 3.1)
Sailkapen zientifikoa
Erreinua	Fungi
Klasea	Agaricomycetes
Ordena	Agaricales
Familia	Entolomataceae
Generoa	Clitopilus
Espeziea	Clitopilus prunulus P.Kumm., 1871
Basionimoa	Agaricus prunulus
Mikologia
orriak himenioan   txapel ganbila   himenioa dekurrentea da   hanka biluzik dago   espora arrosak dauzka   saprobioa da   jangarria da Oharra: ez fidatu soilik orri honetan ematen diren datuez perretxiko bat identifikatzeko orduan. Inolako zalantzarik izanez gero, kontsultatu aditu batekin.

Sinonimoak: Agaricus obesus, Agaricus orcellus, Agaricus pallidus, Dendrosarcus mamola, Hypophyllum farinulentum, Agaricus pallescens, Agaricus prunulus var. ß spodoides, Gymnopus obesus, Pleuropus prunulus, Pleuropus orcellus, Agaricus crassipes, Agaricus sambucinus var. ß obesus, Omphalia prunula, Agaricus sowerbyi, Clitopilus prunulus, Clitopilus orcella, Agaricus prunulus var. orcella, Agaricus prunulus subsp.* orcella, Paxillus prunulus, Paxillus prunulus var. orcella, Rhodosporus prunulus, Hexajuga orcella, Hexajuga prunula, Orcella prunulus, Orcella obesa, Hyporrhodius prunulus, Hyporrhodius orcella, Clitopilus obesus, Pleuropus obesus, Paxillopsis prunulus.

Deskribapena

Perretxiko honen txapelaren diametroak 3-10 cm du. Txapela oso hauskorra da, eta hasieran ganbila eta titidun samarra, baina gero leundu egiten da, eta azkenik Clitocybe moduan erditik sartua. Txapelaren ertza biribilkatua da ale gaztea denean, baina ale heldua bada, irregularra eta uhindua. Txapeleko azala lehorra eta matea da, kolore zurixkakoa, eta batzuetan grisaxka erdialdean. Orriak oso dekurrenteak dira, hasieran zurixkak eta gero, esporak helduak direnean, arrosak. Hanka motz, zuri eta matea du, eta askotan eszentrikoa. Mami zuria, oso biguna eta hauskorra. Irin freskoaren usain eta zapore nabarmenak. Espora arrosak, fusiformeak albotik ikusita eta angeludunak aurretik begiratuta.

Errotaria.

Jateko ona da, sukaldaritzan asko erabiltzen da gainera, baina kontuz ibili behar da Clitocybe cerussata eta Clitocybe rivulosa pozoitsuekin ez nahasteko. Hauek leku berdinetan ateratzen dira, eta askotan elkarrekin. Dena dela, desberdintasunak badituzte: Clitocybe prunulus hauskorra da, irin usain nabarmena du eta orriak oso dekurrenteak dira, eta ale heldua bada, arrosak. Clitocybe pozoitsuak berriz, elastikoak dira, usaina ahulagoa dute, irina eta anisaren artekoa, eta orriak ez dira hain dekurrenteak eta arrosak, krema-zurixkak baizik.

Espezie hau bereizteko, irin-usainari erreparatu behar digu; aintzat hartzekoak dira, halaber, haragiaren hauskortasuna eta esporak ondu ahala orriek hartzen duten kolore arrosa. Ezaugarri horiek kontuan izanda, ez dugu kolore zuriko eta toxikotasun handiko Clitocybe espeziarekin nahasteko arriskurik izango.

Bizilekua

Oso perretxiko arrunta da udan eta udazkenean, belar artean, hostozabal desberdinen azpian ateratzen da, talde txikietan. Askotan, Boletus edulis onddotik hurbil ernamuintzen denez, “salatari” ere deitzen zaio.

Banaketa eremua

Mundu osoan barreiatzen da, kontinente guztietan zehar, Antartikan izan ezik, eta habitat ugaritan garatzen da.

Galeria

• 
• 

Kanpo estekak

• Datuak: Q856834
• Multimedia: Clitopilus prunulus / Q856834