Europako Hiriburu Berde saria

Europako Hiriburu Berde saria Europako Batzordeak ingurumenaren eta bizi-kalitatearen alorretan estandar altuak betetzen dituzten hirien lanaren errekonozimendua egiteko urtero esleitzen duen saria da.

Ideia

Europako Hiriburu Berdearen saria ingurumen-estandar altuak ezartzen eta erdiesten ibilbide ezaguna duen hiriburu europar bati eskaintzen zaio urtero. Sariaren helburua hirien artean ingurumen alorreko praktika onak sustatzea da. Sariketa honetan Europar Batasuneko kide diren 27 Estatuetako eta Europako Esparru Ekonomikoko herrialdeetako hiriek har dezakete parte.

Irabazleak

2010: Stockholm
2011: Hanburgo
2012: Gasteiz
2013: Nantes
2014: Kopenhage
2015: Bristol
2016: Ljubljana
2017: Essen
2018: Nimega
2019: Oslo
2020: Lisboa
2021: Lahti
2022: Grenoble
2023: Tallinn
2024: Valentzia

Europako Hosto Berdea

2015ean Europako Hosto Berdea saria sortu zen 20.000 eta 100.000 biztanle arteko hiri txikiagoei errekonozimendua egiteko.

2015: Mollet del Vallès
2015: Torres Vedras
2017: Galway
2018: Lovaina
2019: Cornellà de Llobregat
2019: Horst aan de Maas
2020: Limerick
2020: Malinas
2021: Lappeenranta
2021: Gabrovo
2022: Valongo
2022: Winterswijk
2024: Velenje
2024: Helsingør

2010 eta 2011 urteetako sariak

35 hiri aurkeztu ziren 2010 eta 2011 urteetan Europako Hiriburu Berde izateko. 2009ko otsailean, epaimahaiak Stockholm eta Hamburg izendatu zituen garaile. Gainerako finalistak Amsterdam, Bristol, Kopenhage, Münster, Friburgo, eta Oslo izan ziren.

2012 eta 2013 urteetako sariak

17 hiri aurkeztu ziren 2012 eta 2013 urteetan Europako Hiriburu Berde izateko. 2010eko urrian, epaimahaiak Gasteiz eta Nantes izendatu zituen garaile. Gainerako finalistak Malmö, Bartzelona, Reykjavik eta Nuremberg izan ziren.

Kanpo estekak

(Ingelesez) Europako Hiriburu Berdearen sariaren webgunea.

Datuak: Q686681
Multimedia: European Green Capital / Q686681