Hackney

Hackney (ingelesez: London Borough of Hackney) Londresko udalerrietako (borough) bat da. 2015ko erroldaren arabera 269.000 zituen 19,06 kilometro koadroko azaleran. City of London udalerriaren ipar-ekialdean dago.

Hackney
Londresen banaketa administratiboa
Irudi gehiago
Administrazioa
Estatu burujabe	Erresuma Batua
Herrialdea	Ingalaterra
Ingalaterrako eskualdea	Londresko eskualdea
Ingalaterrako konderri zeremoniala	Londres Handia
Alkatea	Philip Glanville (en)
Posta kodea	E, EC, N eta E8 1EA
Geografia
Koordenatuak	51°32′41″N 0°03′27″W
Azalera	19,0492 km²
Demografia
Biztanleria	279.665 (2018) 0 (2018)
Dentsitatea	14.681 bizt/km²
Informazio gehigarria
Sorrera	1965eko apirilaren 1a
Ordu eremua	UTC±00:00 eta UTC+01:00
Hiri senidetuak	Haifa, Hannoversch Munden, Bridgetown, Suresnes, Göttingen, Saint George's, Presnensky District (en) eta Austin
hackney.gov.uk

Historia

Izenaren lehenengo aipamena XIII mendekoa da, garaiko agirietan Hakney (1231) eta Hakeneye (1242 eta 1294) eta "Hakaren uhartea" esan nahi omen du, izan ere Lea ibaiaren padura eremuan legokeen uharte batean sortu baitzen. Garai hartan ingurune basatia zen.

Monasterio baten lurrak izan ziren harik eta XVI mendean Koroak lurraldea konfiskatu zuen arte. Henrike VIII.ak jauregia eraiki zuen Lea ibaraien meandro batean, baina ordutik mantentzen den eraikin bakarra 1535an altxatutako Sutton House da, Sir Ralph Sadleir diplomatikoak egin zuena. Garai beretsukoa da Hackenyren armarrian agertzen den Saint Augustine dorrea, orduan eraikitako elizatik mantentzen den egitura bakarra. 1621ean hackney coach gurdia ezarri zen eta hurrengo mendeetan antzokiak eraiki ziren bertan biztanle bihurtu ziren nobleziarentzako. 1850 hamarkadan trenbidea iritsi zen.

Bigarren Mundu Gerraren ondoren inmigrazio handia jaso zuen eta udalerria nabarmen handitu zen. Urbanizatzerakoan kontu handia izan zuten eta Londresko udalerri berdeena bihurtu zen, bertako 62 parke eta espazio irekiek 3'3 km²-ko azalera hartzen baitute.

Gaur egungo udalerria 1965 urtean sortu zen aurrez zeuden Hackney, Shoreditch eta Stoke Newington udalerriek bat egiterakoan.

Auzoak

Udalerria honako auzoek osatzen dute:

Dalston De Beauvoir Town Hackney Downs Hackney Central Hackney Marshes Hackney Wick Haggerston Homerton Hoxton Kingston

Lea Bridge London Fields Lower Clapton Shacklewell Shoreditch South Hackney Stamford Hill Stoke Newington Upper Clapton

Ondasun nabarmenak

• 
  Saint Augustine dorrea.
• 
  Hackneyko udaletxea.
• 
  Shoreditch auzoko udaletxe zaharra.
• 
  Sutton House.
• 
  Geffrye Museoa.
• 
  Hackney Empire antzokia.
• 
  Vortex Jazz Club.
• 
  Regent's Canal ubidea, Hackney udalerrian.
• 
  Clissold parkea.
• 
  City Basin urtegia.
• 
  Clapton Square.
• 
  Abney Park hilerria.
• 
  Hackney One Carnival jaialdia.

Kanpo estekak

• (Ingelesez) Hackney barrutiko kontseiluaren webgunea.

• Datuak: Q205679
• Multimedia: London Borough of Hackney / Q205679