Haga jauregia

Haga jauregia (suedieraz: Haga slott) Suediako erregeen jauregietako bat da. Solna hirian dago, Stockholm erdigunetik 2 kilometrotara.

Haga jauregia Haga slott
Irudi gehiago
Kokapena
Estatu burujabe	Suedia
Suediaren banaketa administratiboa	Stockholmgo konderria
Suediako udalerria	Solna
Koordenatuak	59°21′49″N 18°02′22″E
Historia eta erabilera
Irekiera	1805
Jabea	Gustavo IV.a Adolfo Suediakoa
Arkitektura
Arkitektoa	Carl Christoffer Gjörwell the Younger (en)

Historia

1792an Gustavo III.a Suediakoa erahil zuten eta Brunnsviken-en egiten ari zen gaztelu itzelaren lanak bertan behera gelditu ziren. Bere semeak, Gustavo IV.ak jauregi apalago bat altxatzea erabaki zuen eta Carl Christoffer Gjörwell arkitekto gazteari Italiako villa antzeko bat diseinatzeko eskatu zion. 1802 eta 1805 artean eraiki zen Haga jauregia. 1790an suak erre zuen eliza ere berreraiki zuten.

Ordutik aurrera hainbat printze eta printzesa bizi izan ziren bertan eta berriztatze ugari egin zizkioten.

1966an Gobernuak eskuratu zuen eta Atzerritik zetozen gonbidatuentzako eraikina bihurtu zen. 2009an errege familiari itzuli zitzaion eta Victoria printzesaren etxebizitza da gaur egun.

Haga Parkea

Eremu natural zabala da eta bertan Haga jauregiaz gain Gustavo III.aren pabiloia eta Echo Temple ere badaude. Hainbat aintzira, basoak eta lorategiak ere baditu.

Iruditegia

• 
  Aurrealdea.
• 
  Atzealdea.
• 
  Gustavo III.aren pabiloia.
• 
  Haga parkea.
• 
  Haga Echo Temple.

Kanpo estekak

• Datuak: Q5574523
• Multimedia: Haga Palace / Q5574523