Ifaceko Haitzaren Natura Parkea

Ifac edo Ifaceko Haitza, edo gune babestu gisa duen izenarekin, Ifaceko Haitzaren Natura Parkea-gaztelaniaz: peñón de Ifach; katalanez: Penyal d'Ifac; bietan i'fak ahoskatua- Marina Alta lurraldean, Alacanteko probintziaren Calpe herrian dagoen natura monumentu ezaguna eta enblematikoa da, kostalde honen benetako ikurra baita. 45 hektarea ditu bakarrik ditu, Valentziako natura parke txikiena izanik. Valentziako Erkidegoaren Gobernuak 1987ko urtarrilaren 19an natura parkearen izendapena eman zion. Gailurretik bista ederrak ikus daitezke, besteak beste, Formentera uhartea eta Santa Polako lurmuturra. Klima mediterraneoa da. Parkeak urtero 150.000 biztanle jasotzen ditu.

Ifaceko Haitzaren Natura Parkea
ezezaguna II. maila: parke nazional
Datu orokorrak
Garaiera	332 m
Mota	mendi, Batasuneko garrantzizko leku, natura-parke, naturagune babestua, parke natural eta Natura 2000 sarea
Azalera	53,3 ha
Geografia
Koordenatuak	38°38′05″N 0°04′28″E
Mendikatea	Prebaetic System (en)
Kokapena	Marina Alta
Estatu burujabe	Espainia
Autonomia	Valentziako Erkidegoa
Probintzia	Alacanteko probintzia
Udalerria	Calp
Geologia
Material nagusia	kareharri

Orografia

Hegoaldeko eta iparraldeko aldeak lotzen dituen tunela.

Parkea bakartutako haitz batean dago. Haitza Mendikate Betikoen azken muturra da. 322 metroko garaiera du. Ia uhartea da baina kontinentearekin istmo detritiko baten bitartez lotuta dago. Arroka kareharrik dira. XIX. mendean haitza zeharkatzen duen tunela egin zen.

Historia

Antza denez lehen Ifac uhartea zen baina dokumentazio historikoaren arabera, erromatarren garaian, ordurako, istmoa zen. Istmo hori handitzen joan da eta gaur egun erabat urbanizatua dago. Dena dela, lehenengo aztarna historikoak erromatarren aurrekoak dira, K. a. IV. mendean bazegoen hemen iberiarren herri bat. XIII. mendean XIII, Jakue I.a Aragoikoak, moriskoei irabazi ondoren, Ifacen herri gotortu bat sortu zuen, Pobla d'Ifac, batez ere haitzetik ikusten ziren bistez baliatuz, inguruaren defentsa hobetzeko. Herriak gutxi iraun zuen: 50-60 urteetan Gaztelako armadak txikitu baitzuen. Oraindik-orain harresien aztarnak ikus daitezke.

XIX. mendean, ustiatzeko modurik ez zegoenez, estatuak uhartea saldu egin zuen. Esku pribatu desberdinetatik igaro zuen eta jabe haietako batek, dinamita erabiliz, gailurrera ailegatzeko bidea errazteko, haitza zeharkatzen duen tunela egin zuen. Jabe horiek haien etxeak haitzean kokatu zuten eta, ondorioz, zonalde batzuk urbanizatu ziren. XX. mendean, maldan, hotel bat eraiki zen; inoiz ez zen inauguratu eta, natura parkearen deklarazioa jaso ondoren, bota egin zen. Valentzia Erkidegoko Gobernuak 1987ko urtarrilaren 19an natura parkearen izendapena eman zion. 2015ean bideak konpontzeko eta lan desberdinak egiteko parkea itxi egin zen; 2016ko abuztuan berriro ere irekin egin zen.

Fauna

Parkea hegaztientzat babes inguru garrantzitsua da: 80 espezia inguru aipatu dira zonaldean. Bertan, beste askoren artean, espezie hauek ikus daitezke:

• Ubarroi mottoduna
• Kaio hankahoria
• Eleonor belatza
• Zanga arrunta
• Belatz handia
• Sorbeltz arrea

Beste aldetik, Marina Alta osoa moduan, lurreko aberastasun malakologiko handia dago (barraskiloak). Koleopteroen presentzia ere garrantzitsua da.

Flora

Osyris lanceolata Ifachen.

Begetazioa parkearen alde garrantzitsuena da. Landare nagusiak rupicolak dira, asko endemikoak: Ifacheko silene, Thymus, la arrokako eskabiosa, ferra valentziarra. Goiko aldean zuhaixkak ikusten dira, esaterako, palmitoak.

Arriskuak

Zonalde honek pairatzen dituen arazo nagusiak urbanizazioaren eta gizakiaren gertutasunaren ondorioak dira; dagoeneko, kontinentetik isolatuta dago eta gizakiaren presioa handia da.

Galeria

• 
  Haitza gertutik ikusita.
• 
  Kostaldeko urbanizazioa haitzetik ikusita.
• 
  Haitza zeharkatzen duen tunela.
• 
  Parkearen pinuak eta begetazioa.
• 
  Tunelaren irteera.

Kanpo estekak

• (Gaztelaniaz):Haitzaren gaineko informazioa.
• (Gaztelaniaz):Ifachen inguruko datu bitxiak.
• (Gaztelaniaz):Liburuxka parkearen gaineko informazioarekin.

• Datuak: Q657937
• Multimedia: Penyal d'Ifac Natural Park / Q657937