Museo Nacional de Arte (Mexiko)

Mexikoko Arte Museo Nazionala (MUNAL) Mexiko Hiriko Zentro Historikoan dago, Tacuba kaleko 8 zenbakiarekin markatutako eraikin batean, Manuel Tolsá plazan. Mexikoko artearen bilduma adierazgarri bat dago jasota bertan, erregeordetzaren garaitik 1950eko hamarkadara arte.

Museo Nacional de Arte (Mexiko)
Datuak
Izen laburra	Munal
Mota	Arte galeria, museo nazionala eta erakargarri turistikoa
Herrialdea	Mexiko
Jarduera
Honen parte	Instituto Nacional de Bellas Artes y Literatura (en)
Historia
Sorrera	1982
webgune ofiziala

Eraikina

Eraikina Komunikazio eta Herri Lan Idazkaritzaren Jauregia da. Arkitektura eklektikoa du, XX. mendearen hasieran oso ohikoa, baina batez ere neoklasikoa eta errenazentista da. 1982an Arte Museo Nazionalera bideratu zen, eta 1997an zaharberritu zen.

Eraikina erraz identifika daiteke Karlos IV.a Espainiakoaren zaldizko estatua handiagatik, Espainiako errege izan baitzen Mexikok independentzia irabazi baino lehentxeago. Estatua, El Caballito izenez ezaguna, jatorriz Zokalo plazan zegoen, baina hainbat lekutara mugitu zen. Oinarrian duen plakaren arabera, Mexikok ez du Espainiako errege baten gorespen gisa mantentzen, artelan gisa duen kalitateagatik baizik.

Bildumak

Museo honetan Mexikok artearen historiaren bost mende erakusten ditu. Egile batzuk aipatzeagatik hauek jasoko ditugu: Andrés de la Concha, José Juárez, Sebastián López de Arteaga, Cristóbal de Villalpando, Miguel Cabrera, Manuel Tolsá, Santiago Rebull, Felipe S. Gutiérrez, Juan Cordero, José María Velasco, Saturnino Herrán, Ángel Zárraga, Alfredo Ramos Martínez, Gerardo Murillo (Dr. Atl), María Izquierdo, Diego Rivera, Frida Kahlo, José Clemente Orozco eta David Alfaro Siqueiros.

Iruditegia

• 
  Gaueko irudia.
• 
  Barruko eskailerak.
• 
• 
  Contrerasen Malgré Tout lana sarreran.
• 
  Eskulturak areto batean.

Kanpo estekak

• Museoaren lanak Google Arts & Culture proiektuan.
• (Gaztelaniaz):Museoaren webgune ofiziala.

• Datuak: Q1138147
• Multimedia: Museo Nacional de Arte (Mexico) / Q1138147