Ohrid-eko aintzira

Ohrid-eko aintzira
Liqeni i Ohrit
Охридско Езеро
Ohrid-eko aintzira; Liqeni i Ohrit; Охридско Езеро
Datu orokorrak
Garaiera	695 m
Mota	aintzira eta ancient lake (en)
Luzera	30,4 km
Zabalera	14,8 km
Azalera	349 km²
Sakonera	288,7 m
Bolumena	55.400 hm³
Geografia
Koordenatuak	41°02′N 20°43′E / 41.03°N 20.72°E
Honen parte da	Natural and Cultural Heritage of the Ohrid region (en)
Hidrografia
Betebidea	ikusi Sateska (en) ;
Hustubidea	Drin Beltza
Erresidentzia denbora	70 a
Arroaren azalera	1.414 km²

Ohrid-eko aintzira^[1] (albanieraz: Liqeni i Ohrit; mazedonieraz: Охридско Езеро, Okhridsko Ezero), Ipar Mazedoniako Errepublika eta Albaniaren arteko mugaren hego-ekialdean dagoen aintzira bat da, 358 km²-ko azalera duena. Balkanetako aintzirarik sakonena da (288 m), eta munduko zaharrenetakoa, Titikaka eta Baikal aintzirekin batera.

Prespa aintziraren infiltrazioei esker elikatua, Itsaso Adriatikoan itsasoratzen da. Ur gardenak, batzuetan 22 metroko sakonera arte gardenak, eta fauna aberats eta askotarikoa izateagatik da ezaguna.

Erriberako ekialdean dagoen Ohrid hiritik hartzen du izena. Mazedoniako Errepublikaren hiriburu turistikoa da, eta aintzira, hainbat hondartza eta bizantziar monasterioz inguratuta dago, herrialdeko erakarpen handienetakoa delarik. Bestalde, 1979an gizon-emakume guztion ondare bezala izendatu zuten duen ohiz kanpoko izaera naturalarengatik eta 1980an sailkapena erriberako toki historiko eta kulturaletara ere zabaldu da.

Geografia

Topografia

Hego-ekialdeko Europako Balkanetako penintsulan kokatzen da. Albaniak, mendebaldean, eta Mazedoniako Errepublikak, bi herenen jabe denak, ekialdean partekatzen dute.^[2] Beste aintzira handi batzuek inguratzen dute, hurbilen duena Prespa aintzira da, Mazedoniako Errepublikak, Albaniak eta Greziak partekatzen dutena.

Ohrid-eko aintziraren uren gardentasuna fosforo maila baxuei dagokie, oligotrofia deritzon fenomenoari. Ohrid-eko aintzirak litroko 4,5 μg fosforo ditu bakarrik. Konparazioan, adibidez, Genevako aintzirak litroko 10 miligramo ditu, nahiz eta ez dagoen fosforo isuriengatik kutsatuta.

Naturaren degradazioa eta zaintza

Aintzira faktore askoren erruz dago arriskuan, denak gizakiaren jarduerekin eta bertan egotearekin erlazionatuak.

Uraren kutsadura

Uraren kutsadura lehendabiziko ingurumen-arazoa da. Urak erriberako nekazariek erabiltzen dituzten pestizida eta ongarriekin kutsatuta daude, eta baita tokiko isurketengatik ere. Adibidez, 2006 arte Pogradec hiriko hondakin-uren 30%a inolako tratamendurik gabe botatzen zuten aintzirara. Ordutik, hondakin-urentzako araztegi bat eraiki da.

Erreferentziak

↑ Euskaltzaindia. Europako toponimia fisikoa. .. Ohrid leku-izeneko "h" letra gaztelaniazko "j" bezala ahoskatzen da
↑ (Ingelesez) Global environemental facilities, World Bank - Lake Ohrid conservation project.

Kanpo estekak

(Frantsesez) Site de l'UNESCO, fiche «Patrimonio naturel et culturel de la région d'Ohrid».
(Ingelesez) Ohrid hiriko gune ofiziala.
(Ingelesez) Ohrid-eko aintzira Mazedoniako turismoko gunean.

Datuak: Q156258
Multimedia: Lake Ohrid / Q156258

[1] Euskaltzaindia. Europako toponimia fisikoa. .. Ohrid leku-izeneko "h" letra gaztelaniazko "j" bezala ahoskatzen da

[iwlearn-2] (Ingelesez) Global environemental facilities, World Bank - Lake Ohrid conservation project.

[1]

[2]