Paul Baudry

Paul Jacques Aimé Baudry (La Roche-sur-Yon, 1828ko azaroaren 7a-Paris, 1886ko urtarrilaren 17a), frantziar margolaria, akademizismoaren ordezkari ospetsuenetako bat izan zen Frantziako Bigarren Inperioan. Ambroise Baudry (1838-1871) arkitektoaren anaia nagusia da.

Paul Baudry
Irudi gehiago
Bizitza
Jaiotzako izen-deiturak	Paule Saint Mordé Baudry
Jaiotza	La Roche-sur-Yon, 1828ko azaroaren 7a
Herrialdea	Frantzia
Lehen hizkuntza	frantsesa
Heriotza	Paris, 1886ko urtarrilaren 17a (57 urte)
Hobiratze lekua	Père Lachaise hilerria Paul Baudry's tomb (en)
Familia
Seme-alabak	ikusi Cécile Paul-Baudry (en)
Haurrideak	ikusi Ambroise Baudry
Hezkuntza
Heziketa	Arte Ederren Goi Eskola Nazionala (1844 - 1850) French Academy in Rome (en) (1851 - 1855)
Hizkuntzak	frantsesa
Irakaslea(k)	Antoine Sartoris Michel Martin Drolling
Ikaslea(k)	ikusi Marcel Rieder
Jarduerak
Jarduerak	margolaria
Lantokia(k)	Paris eta Erroma
Lan nabarmenak	ikusi Jakoben borroka aingeruarekin (Baudry) Alfred Beurdeley (en) Perla eta olatua
Jasotako sariak	ikusi Prix de Rome  (1850) Prix de Rome  (1847) Ohorezko Legioko komandantea  (1875)
Kidetza	Arte Ederren Akademia (Frantzia)
Mugimendua	Akademizismoa
Genero artistikoa	erretratua

Biografia

Familia apaleko semea, Paul Baudry La Roche-sur-Yonen jaio zen. Hamasei urterekin, udal ikasketetarako beka bati esker, Parisera joan zen ikastera, eta han Arte Ederren Eskolan sartu ahal izan zen, 1845ean.

1850ean Erromako Sari Nagusia jaso zuen Zenobia artzainek Araxes ibaiaren ertzean aurkituta margolanagatik. Sari honek Italian urte batzuetako egonaldia egitera eraman zuen, non, batez ere Il Correggio eta Tizianoren manierismoan, bere inspirazio iturri nagusietako bat aurkitu zuen. Eragin horrek markatu zituen bere lanak Frantzian egin zuen ibilbide artistiko osoan zehar. Napoleon III.ak Garnier Operaren etxeko dekorazioa enkargatu zion.

1886an, Ekialdean zehar bidaia bat egin ondoren, Baudry Parisen hil zen, Joana Arc-ekoari buruzko Parisko Panteoia apaintzeko proiektua gauzatu ahal izan baino lehen. Bere lankideetako bi, Paul Dubois eta Antonin Mercié, bere anaia Ambroise Baudryrekin lankidetzan aritu ziren, hilobi-monumentu bat eraikiz Parisko Père Lachaise hilerrian, non margolaria ehortzi zuten.

Estiloa

Hasieratik, Baudryren talentua erabat akademikoa agertzen da, aldi berean dotoretasunez eta fineziaz betea, baina, nolabait, originaltasunik gabeko zerbait. Erretratu eta konposizio mitologikoak ere margotu zituen arren, Baudry, funtsean, muralista izan zen, eta arlo horretan lortu zuen ospe handiena, kolorearen maneiuan maisutasun handia erakutsiz, Parisko Kasazio Gortean, Chantillyko gazteluan edo Garnier Operako foyer-ean ikus daitekeen bezala. Fould, Galliera edo Paivabut hotelak ere apaindu zituen.

Ikasleak

• René Ménard (1862-1930)
• Charles Moreau-Vauthier (1857-1924)

Lan ezagunenak

• Maraten hilketa (Nantesko Arte Ederren museoa)
• Venusen bainua (Bordeleko Arte Ederretako Museoa)
• Noeren horditasuna (Chantilly Kontearen museoa)
• Egia (Orsay museoa)
• San Hubertoren ikusketa (Chantilly Kontearen museoa)
• Alfred Beurdeleyren erretratua (Orsay museoa)
• Charles Garnierren erretratua (Orsay museoa)
• Bédoyère kontesaren erretratua (Compiègneko gazteluaren Museo Nazionala)
• Venus Kupidorekin jolasten (Chantilly Kontearen museoa)
• Zenobia artzainek Araxes ibaiaren ertzean aurkituta (Parisko Arte Ederren Eskola)
• Perla eta olatua (Pradoko museoa)

Iruditegia

• 
  Magdalena penitentziagile.
• 
  Perla eta olatua.
• 
  Maraten hilketa.
• 
  Zenobia artzainek Araxes ibaiaren ertzean aurkituta.
• 
  Egia.
• 
  Jakoben borroka aingeruarekin.

Kanpo estekak

• Datuak: Q911575
• Multimedia: Paul Baudry / Q911575