Paulina Arana Goiri

Paulina Arana Goiri (Abando —gaur egun Bilbo—, 1859ko ekainaren 22an bataiatua – Bilbo, 1921) Sabin eta Luis Arana Goiri anai eta eusko abertzaletasunaren sortzaileen arreba izan zen.

Paulina Arana Goiri
Bizitza
Jaiotzako izen-deiturak	Paulina Arana Goiri
Jaiotza	Abandoko elizatea, 1859
Herrialdea	Bizkaia
Lehen hizkuntza	gaztelania
Heriotza	Bilbo, 1921 (61/62 urte)
Familia
Aita	Santiago Arana
Haurrideak	ikusi Sabino Arana Goiri Luis Arana Goiri
Hezkuntza
Hizkuntzak	gaztelania
Jarduerak
Jarduerak	oroitzapen-idazlea

Santiago Arana bizkaitar ontzigilea eta Paskuala Goiriren alaba. Arana Goiri familiako burua karlismo zalea izan zen, aldiz, Sabin eta Luis anaiek hasiera batean Bizkaiaren eguneroko politikan, eta epe laburrean gainontzeko Euskal Herri osoan sekulako eragin eta oihartzuna izan zuen mugimendu politiko eta kulturalaren sortzaileak izan ziren. Paulina Aranak bi anaien politika ibilbidearen hastapenaren inguruko gertakarien kronikari lanak burutu zituen, oraindik argitzeke dauden «Memorias» (Oroimenak) idazkietan azaldu zituelarik.

Zeferino Jemeinek bere «Biografía de Arana-Goiri'tar Sabin» liburuan Oroimen horien zati batzuk besterik ez zituen argitaratu. Liburu horretako 175, 176, 189, 197, 201, 208, 209, 210, 216, 217, 279, 292, 294 eta 295 orrialdeetan oroimen horien parrafo osoak hitzez-hitz agertzen dira. Oroimen hauen argitalpen oso batek Euskal Herriko historiaren XIX. mendearen bigarren erdialdeko eta XX. mendearen lehenbiziko urteetako giro nahasia ulertarazten lagunduko lukete.

1921an Bilbon hil zen.

Kanpo estekak

• Paulina Arana Goiriren biografia laburra. Auñamendi Entziklopedia (Gaztelaniaz)

• Datuak: Q20492506