Pink Floyd Live at Pompeii

Pink Floyd Live at Pompeii (euskaraz: «Pink Floyd zuzenean Ponpeian») Adrian Maben zuzendaritzapean 1971an egindako pelikula da, Pink Floyd musika talde britainiarra protagonistatzat duena.

Pink Floyd Live at Pompeii
Pink Floyden filma
Egilea(k)	Pink Floyd
Argitaratze-data	1972
Izenburua	Pink Floyd: Live at Pompeii
Jatorrizko hizkuntza	ingelesa
Jatorrizko herrialdea	Frantzia, Italia, Alemania eta Belgika
Banatze bidea	eskatu ahalako bideo eta direct-to-video (en)
Ezaugarriak
Genero artistikoa	Rock progresiboa eta film dokumentala
Iraupena	85 minutu
Kolorea	koloretakoa
Zuzendaritza eta gidoia
Zuzendaria(k)	Steve O'Rourke (en) Adrian Maben [[Kategoria:Steve O'Rourke (en) zuzendutako filmak]]
Antzezlea(k)
David Gilmour Roger Waters Richard Wright Nick Mason
Ekoizpena
Ekoizlea	Steve O'Rourke (en) [[Kategoria:Steve O'Rourke (en) ekoitzitako filmak]]
Konpainia ekoizlea	Universal Studios
Edizioa	José Pinheiro (en)
Bestelako lanak
Musikagilea	Pink Floyd
Argazki-zuzendaria	Willy Kurant Gábor Pogány
Argumentu nagusia	Pink Floyda
Pink Floyden kronologia
Pink Floyd Live at Pompeii →Pink Floyd—The Wall

Lan honetan Pink Floydek abesti batzuk jotzen ditu Vesubiok estalitako erromatar hiri zaharraren anfiteatroan ("Echoes", "One of These Days" eta "A Saucerful of Secrets"). Pelikulan agertzen diren gainontzeko gai musikalak Parisko estudio batean filmatuak izan ziren, Ponpeiako anfiteatroaren irudiekin batera. Ponpeian bertan zein Parisko estudioetan filmatutako kontzertuetan publikorik gabe jarduten du Pink Floydek; musika laguntzaileak eta grabazioaren taldea besterik ez dira irudietan agertzen, laukote britainiarraz gain. Antza, pelikulak protagonismo osoa musika taldeari -soilik- eman nahi izan zion.

Filmean entzuten diren gaiak taldearen lehenengo urtekoak dira (1967-1971); A Saucerful of Secrets, Ummagumma eta Meddle L.P.-etan dauden batzuk aukeratuak izan ziren.

Frantziako eta Alemaniako telebistak pelikula honen ekoizleak izan ziren, eta aurrekontu apal batekin 65 minutuko iraupena zuen produktua burutu zuten. 1972an estreinatu zen zinema aretoetan, eta hilabete batzuk geroago Frantzia eta Alemaniako telebistetan igorri zuten. Hasierako bertsioa laburregia zelakoan, 1973an Adrian Maben zuzendariak Pink Floyden taldekideei estudioko elkarrizketa batzuen bitartez pelikula luzatzeko eskatu zien, The Dark Side of the Moon albuma grabatzen ari ziren bitartean. Hola, 1974an pelikularen bertsio luzeagoa estreinatu zen, 85 minutukoa .

Pink Floyd Live at Pompeii Pink Floyden pelikula da, "Let It Be" The Beatles-ena edo "Gimme Shelter" Rolling Stones-ena diren bezalakoak. Film honen xarma inguru klasiko baten irudiak (antzinako hiri erromatarrarena) musika abangoardista batekin uztartzean datza, zinemaren baliabide bereziak ere (kea, haizea, irudien gainjartzeak....) erabiliz.

Gai musikalen zerrenda

1972ko hasierako bertsioa

1. "Intro Song"
2. "Echoes, Part I"
3. "Careful with That Axe, Eugene]"
4. "A Saucerful of Secrets"
5. "One of These Days"
6. "Set the Controls for the Heart of the Sun"
7. "Mademoiselle Nobs"
8. "Echoes, Part II"

1974ko bertsioa

1. "Intro Song"
2. "Echoes, Part I"
3. "On the Run" (estudioan)
4. "Careful with That Axe, Eugene"
5. "A Saucerful of Secrets"
6. "Us and Them" (estudioan)
7. "One of These Days"
8. "Set the Controls for the Heart of the Sun"
9. "Brain Damage" (estudioan)
10. "Mademoiselle Nobs"
11. "Echoes, Part II"

Kanpo estekak

• Datuak: Q169558