Trump International Golf Cluben tiroketa
Trump International Golf Cluben tiroketa Donald Trump politikariaren aurkako ustezko hilketa prestaketa izan zen, bigarrena urte berean. 2024ko irailaren 15ean gertatu zen, West Palm Beach hirian, AEBko Florida estatuan, golfez jokatzen ari zen bitartean. Antza, erasoa prestatzen ari zena, Ryan Wesley Routh, 58 urteko gizona, atxilotu zuen Ameriketako Estatu Batuetako Zerbitzu Sekretuak. Atxilotuak ez zuen tiro egin, eta ihes egiten ari zenean atzeman zuten. FBI hilketa-saiakera gisa ikertzen ari da gertakaria.[1]
| Trump International Golf Cluben tiroketa | ||
|---|---|---|
| ||
 | ||
| Mota | incident (en)  security incidents involving Donald Trump (en) | |
| Honen parte da | Donald Trump 2024 presidential campaign (en) | |
| Data | 2024ko irailaren 15a | |
| Kokaleku | Trump International Golf Club (en) | |
| Herrialdea | Ameriketako Estatu Batuak | |
| Parte-hartzaileak | ||
| Helburu | ezezaguna | |
| Pertsona hilak | 0 | |
| Pertsona zaurituak | 0 | |
| Nork ikertua | Federal Bureau of Investigation, Ameriketako Estatu Batuetako Isilpeko Zerbitzua eta Palm Beach County Sheriff's Office (en) | |
| Arma | SKS (en) | |
| Atxilotu kopurua | 1 | |
| Hashtag | #trumpassassinationattempt2 | |
Gertaerak
aldatuZerbitzu sekretuek AK-47 errifle batekin armatuta zebilen gizonezko bat atxilotu zuten, West Palm Beach hiriko (AEB) golf zelai inguruan, Trump golf zelaian zegoela. «Tiroak egon dira nigandik gertu, baina zurrumurruak zabaltzen hasi aurretik, zera nahi dut aditzea: ondo nago!», adierazi zuen AEBetako presidentetzarako hautagaiak, ohar bidez. FBIk egindako aurreneko ikerketek diotenez, atxilotuak ez zuen tirorik jo; zerbitzu sekretuek, ordea, bai. Ric Bradshaw, West Palm Beacheko sheriffak, eman zituen operazioaren xehetasunak, eta, azaldu zuenez, gizon errifleduna golf zelaiko hesitik gertu atzeman zuten, presidente ohia zegoen lekutik 300-500 metrora, sasietan ezkutaturik. Zerbitzu sekretuek tiro egin zioten armadunari, eta hura ihes egiten saiatu zen furgoneta beltz batean; minutu batzuk geroago errepidean atxilotu zuten. Sasien artean AK-47 erriflea, bi motxila eta kamera bat aurkitu zituzten.[2]
Erasotzailea
aldatuRyan Wesley Routh izan zen poliziak atxilotu zuen susmagarria. Hawaiiko 58 urteko egoiliar bat, bere bizitzaren zatirik handiena Greensboron (Ipar Karolina) bizi izan dena. Ryan eta bere semea Hawaiiko eraikuntza enpresa baten jabeak dira. Trump aldeko bozeramalea izan bazen ere, azken urtetan Ukrainiaren aldeko aktibista erradikala bihurtu zen. Routhek hainbat kargu kriminal zituen aurretik, 2002an "arma hilgarri eta suntsipen handiko bat edukitzeagatik" ezarritako kondena barne, eraikin batean arma automatiko batekin gotortu ondoren. Routhen aurkako beste kargu batzuek lapurtutako gaien igarotze eta edukitze arau-hausteak jasotzen zituzten.[3]
Erreferentziak
aldatu- ↑ https://www.eitb.eus/eu/albisteak/mundua/bideoak/osoa/9581165/bideoa-fbi-trumpen-aurkako-hilketa-saiakera-ikertzen-ari-da/
- ↑ https://www.berria.eus/mundua/fbi-trumpen-kontrako-hilketa-saiakera-bat-ari-da-ikertzen_2130552_102.html
- ↑ https://www.nytimes.com/2024/09/16/us/trump-suspect-golf-course-routh.html
Kanpo estekak
aldatu
Datuak: Q130303942
Multimedia: Trump International Golf Club shooting / Q130303942