Pradoko Museoa

Pradoko Museoa (gaztelaniaz, Museo del Prado) Espainiako museorik garrantzitsuenetarikoa da. Madrilen dago eta batez ere pintura edo margolanak ditu ikusgai.
XII. mendetik XIX. mendera arteko artelanak daude bertan, historiako margolaririk ospetsuenek eginak: Rubens, El Greco, Goya, Velázquez...

Ba al dakizu

Museoak eta emakume artisten lana.
Museoek oso leku gutxi egin izan diote beti emakumeen artegintzari. Adibidez, 2018ko datuen arabera, Madrilgo El Prado museoak dituen 1.700 margolanetatik, zazpi bakarrik dira emakume batek eginak.

Historia

Espainiako Karlos I. erregearen garaian, artelanen bilduma bat sortzeko ideiak indarra hartu zuen. Geroago, Felipe II. eta Felipe IV. erregeek asko zabaldu zuten bilduma. XIX. mendean, Fernando VII. erregeak Espainiako monarkiarenak ziren artelanak eraikin bakar batean biltzea erabaki zen. Horrela, errege horrek berak XVIII. mendeko eraikin bat berreraikitzeko agindua eman zuen, eta, azkenik, 1819an inauguratu zuten Museoa, Museo Real de pinturas izenarekin.

Bildumak

Pradoko Museoak hainbat bilduma ditu:

Espainiako pintura.
Italiako pintura (XIV-XVII. mendeak).
Flandria eta Herbehereetako margolariak (XV-XVI. mendeak).
Frantziako pintura (XVII-XVIII. mendeak).
Alemaniako margolariak (XV-XVIII. mendeak).
Ingalaterrako pintura.
Eskultura.
Grabatuak.

Artelan ezagun batzuk

Roger van der Weyden, "Gurutzetik jaitsiera", c. 1435
Andrea Mantegna, "Amabirjinaren heriotza", c. 1461
Antonello da Messina, "Kristo hila, aingeru batek eutsita", c. 1475
Albrecht Dürer "Adam eta Eva", 1507
Raphael, "Kardinal baten erretratua", c. 1510-1511
Tintoretto, "Kristo, ikasleen oinak garbitzen", c. 1518
Correggio, "Noli me tangere", c. 1525
Titian, "Bacchanal of the Andrians", c. 1523-1526
Titian, "Karlos V.aren zaldizko erretratua", c. 1548
Titian, Gizakiaren erorketa, c. 1570
Greco, Hirutasun Santua, 1577–1579
Greco, Eskua bularrean duen zalduna, c. 1580
Paolo Veronese, "Venus eta Adonis", c.1580
Caravaggio, David eta Goliat, 1600
Georges de La Tour, Itsu zanfoña-jotzailea, 1610—1630
Artemisia Gentilleschi, Joan Bataiatzailearen jaiotza, 1633-1635
Nicolas Poussin, "Parnasoa", c. 1630-1631
Rembrandt, "Artemisia", c. 1634
Anthony van Dyck, c. 1635
Diego Velázquez, Bredako errendizioa, 1634-1635
Diego Velázquez, Meninak
Diego Velázquez, Marteren atsedena, 1639–1641
José de Ribera, "Jakoben ametsa", 1639
Peter Paul Rubens, Parisen epaia, 1638–1639
Claude Lorrain Santa Paula, ontzira sartzen, 1639-40
Francisco de Zurbarán, Agnus Dei]', 1635–1640
Bartolomé Esteban Murillo, Soulteko Amabirjina Txit Garbia, 1678
Francisco de Goya, Maiatzaren 3a, 1814
Francisco de Goya, Txakurra, 1819-23
Francisco de Goya, Saturno, bere semea irensten, 1819-1823