Urbano VIII.a

Urbano VIII.a
	; (1627) Irudi gehiago
; 235. Aita santu
Kolegio Kardenalizioko kamarlengoa
elizbarrutiko apezpiku
Apostolic Nuncio to France (en)
artzapezpiku titular
Bizitza
Jaiotzako izen-deiturak	Maffeo Virginio Romolo Barberini
Jaiotza	Florentzia, 1568ko apirilaren 5a
Herrialdea	Aita Santuen Lurraldea
Bizilekua	Florentzia
Heriotza	Erroma, 1644ko uztailaren 29a (76 urte)
Hobiratze lekua	San Petri basilika
Heriotza modua	: gaixotasun zerebrobaskularra
Familia
Aita	Antonio Barberini
Ama	Camilla Barbadori
Ezkontidea(k)	ezkongabea
Haurrideak	ikusi Antonio Marcello Barberini (en) ; Carlo Barberini (en) ;
Familia	ikusi Francesco Barberini (en) (iloba); Francesco Barberini (en) (osaba);
Leinua	House of Barberini (en)
Hezkuntza
Heziketa	Pisako Unibertsitatea ; Gregoriotar Pontifize-Unibertsitatea
Hezkuntza-maila	doktorea; Zuzenbiden Doktorea
Hizkuntzak	italiera; esloveniera
Jarduerak
Jarduerak	apaiz katolikoa, mezenasa, idazlea eta apezpiku katolikoa
	Parte-hartzailea 1621eko konklabea ; 1623ko konklabea ;
Lantokia(k)	Erroma eta Aita Santuen Lurraldea
Sinesmenak eta ideologia
Erlijioa	Erromatar Eliza Katolikoa; katolizismoa

Urbano VIII.a^[1] (latinez: Urbanus VIII), jaiotzez Maffeo Barberini (Florentzia, 1568ko apirilaren 5a - Erroma, 1644ko uztailaren 29a), Eliza Katolikoko 235. aita santua izan zen, 1623 eta 1644 artean.

Jatorria eta prestakuntza

Maffeo Barberini florentziar familia noble batean sortu zen. Aita hil ondoren, amak Erromara bidali zuen, protonotario apostoliko kargua zuen osaba Francesco Barberiniren babespean. Jesuiten Collegio Romano-n ikasi ostean, 1589an zuzenbideko doktoregoa lortu zuen Pisako unibertsitatean^[2].

Eliz karrera

Erromara itzuli ondoren, Aita Santuaren administrazioarentzat hasi zen lanean, laburtzaile apostoliko (latinez: abbreviator) eta Signatura Apostolikoko Auzitegi Gorenaren erreferendario gisa. 1592an, Klemente VIII.a aita santuak Fanoko gobernari izendatu zuen. 1601ean, Frantziara bidalia izan zen, Aita Santuaren ordezkari gisa, Henrike IV.a Frantziakoa eta Maria Medici errege-erreginei zorionak ematera, Luis semearen jaiotzagatik^[2].

1604an Nazareteko artzapezpiku izendatua izan zen, eta 1604-1606 bitartean Parisera nuntzio apostolikoa izan zen. 1606ko irailaren 11n, Paulo V.a aita santuak kardinal presbitero izendatu zuen, eta 1608ko urriaren 17an Spoletoko artzapezpiku^[2].

Aitasantualdia

1623ko uztailaren 19an Gregorio XV.aren ondorengoa aukeratu behar zuen konklabea bildu zen. Kardinalen Kolegioa 66 kidez osaturik zegoen, baina 55ek bakarrik parte hartu zuten konklabean. Hau bi alderditan banaturik zegoen: espainiarra eta frantziarra. Azkenik, abuztuaren 6an Francesco Barberini hautatu zuten aita santu, 50 botorekin. Baina Erroman zabaldurik zegoen malaria izurritearen ondorioz, irailaren 29 arte ez zuten koroatu.

Agintean egon zen garaian Inkisizioak Galileo kondenatu zuen (1633). 1643an, Cornelius Jansenen Augustinus lana kondenatu zuen. Urbinoko dukerria Aita Santuen agindupean jarri zuen. Poesiak idatzi zituen latinez (1640, Poemata)^[3].

Erreferentziak

↑ Euskaltzaindia. 129. araua: Aita santuen izenak. .
↑ ^a ^b ^c Ott, Michael T.. Pope Urban VIII. in: The Catholic Encyclopedia. New York: Robert Appleton Company. newadvent.org (Noiz kontsultatua: 2015-10-28).
↑ Lur entziklopedietatik hartua.

Wikimedia Commonsen badira fitxategi gehiago, gai hau dutenak: Urbano VIII.a

Aurrekoa
Gregorio XV.a

Aita santua
1623-1644

Ondorengoa
Inozentzio X.a

Datuak: Q131579
Multimedia: Urbanus VIII / Q131579

[1] Euskaltzaindia. 129. araua: Aita santuen izenak. .

[cat-2] Ott, Michael T.. Pope Urban VIII. in: The Catholic Encyclopedia. New York: Robert Appleton Company. newadvent.org (Noiz kontsultatua: 2015-10-28).

[3] Lur entziklopedietatik hartua.

[1]

[2]

[3]