Villarreal Club de Fútbol

Villarreal Club de Fútbol
Datuak
Mota	futbol-kluba eta kirol talde profesionala
Herrialdea	Espainia
Jarduera
Kide kopurua	29 (2020)
Liga	Espainiako futbol ligako lehen maila
Estadioa	El Madrigal: Vila-real; 39°56′39″N 0°06′13″W / 39.9442°N 0.1036°W ; 24.891
Agintea
Entrenatzailea	Marcelino García Toral
Egoitza nagusi	Vila-real;
Jabea	Fernando Roig Alfonso
Zeren jabe	El Madrigal
Historia
Sorrera	1923ko martxoaren 10a
Koloreak

	Etxekoa

	Kanpokoa

	3. koloreak
	webgune ofiziala;

Villarreal Club de Fútbol 1923an sortutako Vila-realgo (Castello, Espainia) futbol taldea da, Lehen mailan jokatzen du. 2021. urtean UEFA Europa Leagueko txapelduna izan da.

Historia

Sorrera

1923an sortu zen C. D. Villarreal taldea. Gaur egungo taldearen oinarria berriz 1942an sorturiko Club Atlético Foghetecaz-en egon zen.

1970–71an lehen aldiz jokatu ahal izan zuen bigarren mailan bi denboraldiz jarraian. Bigarren B Maila eta Hirugarren Mailaren artean ibili zen hurrengo urteetan, eta 1990eko hamarkadan finkatu zen azkenean Bigarren Mailan.

Pellegriniren urpekari horia

1998-99 denboraldia izan zen Lehen mailan jokatu zuen lehenengoa, baina maila galdu zuen. 2000-2001 denboralditik aurrera ordea beti Lehen mailan ibili da. Indartsu hasi zen gainera, 7. egin baitzuen eta "submarino amarillo" (urpekari horia) ezizena jaso zuen.

2003an eta 2004ean UEFA Intertoto Kopa irabazi zuen. Juan Román Riquelme zen taldeko izarra. Gero beste hainbat jokalari etorri ziren, hala nola Santi Cazorla eta Marcos Senna.

Manuel Pellegrini entrenatzaile txiletarra fitxatu zuen 2004-05 urterako, bai eta Pitxitxi Saria irabaziko zuen Diego Forlán aurrelari uruguayarra ere. urte honetan Ligako hirugarren postua lortu zuen taldeak. 2007an Forlanek alde egin bazuen ere Vila-realek bigarren postua lortu zuen Ligan, inoiz izan duen emaitzarik onena.

Azken hamarkada

Spartak Moskurenen aurkako partida UEFA Europa Leaguen.

2009ko udan Pellegrinik Real Madrilera egin zuen alde eta taldeak nabaritu zuen. Hala ere 2011ean berriz ere laugarren postua eskuratu zuen.

2011-12 denboraldia UEFAko Txapeldunen Liga jokatuz hasi zuen, baina denboraldia benetan gaizki joan da eta azken partidako 87. minutuan Atlético Madrileko Falcaok sarturiko gol baten erruz bigarren mailara jeitsi da. 2012-13 denboraldirako Manolo Preciado entrenatzailea fitxatu zuten, baina aurkezpen egunaren bezperan bihotzekoak emanda hil zen. Bigarren postua eskuratu zuen hala ere eta lehen mailara itzuli ondoren hurrengo bi denboraldietan 6. egin eta Europa Leaguerako sailkatu da.

2015-16 denboraldia bikaina izan zuen. Ligan laugarren gelditu zen eta hirugarren aldiz Europa Ligako finalerdietara ere iritsi zen. 2016-17 eta 2017-18 denboraldietan bosgarren egin zuen Ligan, baina Europan apal ibili zen. 2018-19 denboraldia oso eskasa izan du, jeitsiera postuetan egon zen ia beti eta azken uneko erreakzioari esker 14. posturaino iritsi zen.

2019-2020 denboraldian berriz, berpizte bat izan zuen, hainbat futbolarik beraien maila onena erakutsi zuten, eta lehen itzuli ez oso on baten ondoren, COVID-19 pandemiak eragin zuen geldiunearen ostean sekulako maila eman eta 5. postua lortu zuen. Europa League-era sailkatu zen eta 2021 denboraldian finalera iritsi zen. Finalean Manchester United izan zuen aurkari eta partida 1-1 berdindu ondoren penalti jaurtiketatan erabaki zen titulua. Hamarna penalti gauzatu ondoren eta bakarra hutsegin gabe atezainen txanda iritsi zen. Villarreal taldeko Gerónimo Rulli atezainak gola sartu zuen eta ondoren Manchesterreko De Gearen jaurtiketa ere gelditu zuenez castelloarrek lortu zuten Kopa altxatzea.

Uniformea

Historikoa





1923-1946





1946-1966





1966-2005





2005-etik

Azken urteetako ekipamenduak





2018-2019





2019-2020





2020-2021





2021-2022





2022-2023





2023-2024

Datuak

2023-24 barne:

Denboraldiak 1. mailan: 24
Denboraldiak 2. mailan: 10
Denboraldiak 2. B mailan: 4
Denboraldiak 3. mailan: 23
Ligako posturik onena: 2.a Lehen mailan (2007-08)

2023/2024 Taldea

2023ko uztailaren 12an eguneratua.

Zbk.	Postua	Jokalaria
1	ATE	Pepe Reina
2	ATZ	Kiko Femenía
3	ATZ	Raúl Albiol
5	ATZ	Jorge Cuenca
6	ERD	Étienne Capoue
7	AUR	Gerard Moreno
8	ATZ	Juan Foyth
10	ERD	Daniel Parejo
11	ERD	Samuel Chukwueze
12	ATZ	Johan Mojica
14	ERD	Manu Trigueros
16	ERD	Álex Baena
18	ATZ	Alberto Moreno

Zbk.	Postua	Jokalaria
19	ERD	Francis Coquelin
21	AUR	Yeremi Pino
22	AUR	José Luis Morales
23	ATZ	Aïssa Mandi
24	ATZ	Alfonso Pedraza
35	ATE	Filip Jörgensen
-	ERD	Denis Suárez
-	AUR	Ben Brereton
-	ERD	Ramón Terrats
-	AUR	Ilias Akhomach
-	ERD	Santi Comesaña
-	AUR	Arnaut Danjuma
-	ERD	Iván Martín

Utzitako jokalariak

Irabazitako txapelketak

Espainiako txapelketak: 0

Espainiako futbol ligako lehen maila: 0
- bigarren 2007-08 urtean.
- hirugarren 2004-05 urtean.

Nazioarteko txapelketak: 3

Txapeldunen Liga: 0
- Final erdiak 2005-06an.
UEFA Europa League: 1
- Txapelduna (1): 2021
- Final erdiak 2003-04, 2010-11n eta 2015-16an.
UEFAren Europako Superkopa: 0
- Finalista (1): 2021
UEFA Intertoto Kopa: 2
- Txapelduna: 2003, 2004.
- Finalista: 2002.

Azken urteetako ibilbidea

Urtea	Espainiako Liga	Errege Kopa	Europa	Europako Superkopa
1999-2000	4.a (2. mailan)	1. itzulia
1998-99	18.a	1/16
1999-2000	3.a (2. mailan)	1/8
2000-01	7.a	1/16
2001-02	15.a	1/4
2002-03	15.a	1/16	2.a (Intertoto)
2003-04	8.a	1/8	1/2 (Europa League) 1.a (Intertoto)
2004-05	3.a	1/32	1/4 (Europa League) 1.a (Intertoto)
2005-06	7.a	1/8	1/2 (Txapeldunen Liga)
2006-07	5.a	1/8	2.a (Intertoto)
2007-08	2.a	1/4	1/16 (Europa League)
2008-09	5.a	1/16	1/4 (Txapeldunen Liga)
2009-10	7.a	1/8	1/16 (Europa League)
2010-11	4.a	1/8	1/2 (Europa League)
2011-12	18.a	1/16	1/16 (Txapeldunen Liga)
2012-13	2.a (2. mailan)	2. itzulia
2013-14	6.a	1/16
2014-15	6.a	1/8
2015-16	4.a	1/8	1/2 (Europa League)
2016-17	5.a	1/8	1/32 (Europa League)
2017-18	5.a	1/8	1/16 (Europa League)
2018-19	14.a	1/8
2019-20	5.a	1/4
2020-21	7.a	1/4	1.a (Europa League)	2.a
2021-22	7.a	1/16	1/2 (Txapeldunen Liga)
2022-23	5.a	1/8	1/16 (Conference League)
2023-24	8.a	1/16	1/8 (Europa League)
2024-25		2. itzulia

Jokalari ezagunak

Erreferentziak

Kanpo estekak

(Katalanez)(Gaztelaniaz)(Ingelesez) Taldearen webgune ofiziala
(Katalanez) Taldearen antifaxistak webgune

Datuak: Q12297
Multimedia: Villarreal CF / Q12297

2023-24 denboraldiko Espainiako Futbol Ligako Lehen Mailako taldeak
Alavés \| Almería \| Athletic \| Atlético Madril \| Bartzelona \| Betis \| Cádiz \| Celta Vigo \| Getafe \| Girona \| Granada Las Palmas \| Mallorca \| Osasuna \| Rayo Vallecano \| Real Madril \| Real Sociedad \| Sevilla \| Valentzia \| Villarreal