Zerrenda:Hauteskundeak Donostian

Francoren diktaduraren ondoren, udal erakunde kudeatzaileak izan zuen hirian ardura, hasieran Ramon Jauregik eta gero Iñaki Alkizak gidatua.

1979

1979an egin ziren lehenengo hauteskunde demokratikoetan Euzko Alderdi Jeltzalea gailendu zen, eta Herri Batasuna bigarren postuan geratu zen. Jesus Mari Alkain jeltzaleak lortu zuen alkatetza, alderdi bozkatuena izan zelako, nahiz eta gehiengo absoluturik ez eduki.^[1]^[2]

1979ko hauteskundeen ondorengo Donostiako udalbatza
Alderdia		1979ko apirilak 3
Alderdia		Zinegotziak	Boto kopurua
	Euzko Alderdi Jeltzalea (EAJ)	9 / 27	21.539 (% 29,89)
	Herri Batasuna (HB)	6 / 27	15.079 (% 20,92)
	Koordinakunde Independentea (CI)	5 / 27	11.896 (% 16,51)
	Euskadiko Alderdi Sozialista (PSE-PSOE)	4 / 27	11.420 (% 15,85)
	Euskadiko Ezkerra (EE)	3 / 27	8.402 (% 11,66)
	Besteak	0 / 27	3.730 (% 5,18)
Datuen iturria: Hauteskunde emaitzak. Eusko Jaurlaritza (Gaztelaniaz)

1983

1983ko hauteskundeetan Euzko Alderdi Jeltzaleak irabazi zuen berriz ere, eta haurreko hauteskundeetan baino zinegotzi bat gehiago lortu zuen. Euskadiko Alderdi Sozialistak emaitzak hobetu zituen eta Herri Batasuna aurreratu zuen, udalerriko bigarren indarra bihurtuz.

Ramon Labaien jelkideak lortu zuen alkatetza, gehiengo absoluturik gabe hark ere. Eusko Alkartasuna EAJtik banatu zenean, Donostian EAJren botoen gehiengoa eskuratu zuen alderdi abertzale berriak.

1983ko hauteskundeen ondorengo Donostiako udalbatza
Alderdia		1983ko maiatzak 8
Alderdia		Zinegotziak	Boto kopurua
	Euzko Alderdi Jeltzalea (EAJ)	10 / 27	26.806 (% 35,05)
	Euskadiko Alderdi Sozialista (PSE-PSOE)	7 / 27	18.271 (% 23,89)
	Herri Batasuna (HB)	5 / 27	13.621 (% 17,81)
	Coalizio Popularra (AP-PDP-UL)	3 / 27	9.581 (% 12,53)
	Euskadiko Ezkerra (EE)	2 / 27	6.530 (% 8,54)
	Besteak	0 / 27	1.660 (% 2,17)
Datuen iturria: Hauteskunde emaitzak. Eusko Jaurlaritza (Gaztelaniaz)

1987

1987an Eusko Alkartasuna EAJren banaketak irabazi zituen hauteskundeak, eta Euzko Alderdi Jeltzalea seigarren postura jaitsi zen, inoizko emaitzarik txarrenak lortuz. Eusko Alkartasunako Xabier Albistur hautatu zuten alkate. Gutxiengoan egonda, Euskadiko Ezkerrarekin koalizio gobernua osatu zuen eta alkatetzan iraun zuen legealdi osoa.

1987ko hauteskundeen ondorengo Donostiako udalbatza
Alderdia		1987ko ekainak 10
Alderdia		Zinegotziak	Boto kopurua
	Eusko Alkartasuna (EA)	7 / 27	20.527 (% 24,49)
	Herri Batasuna (HB)	6 / 27	17.478 (% 20,85)
	Euskadiko Alderdi Sozialista (PSE-PSOE)	5 / 27	13.510 (% 16,12)
	Euskadiko Ezkerra (EE)	4 / 27	10.962 (% 13,08)
	Alianza Popular (AP)	3 / 27	10.152 (% 12,11)
	Euzko Alderdi Jeltzalea (EAJ)	2 / 27	7.773 (% 9,27)
	Besteak	0 / 27	3.430 (% 4,09)
Datuen iturria: Hauteskunde emaitzak. Eusko Jaurlaritza (Gaztelaniaz)

1991

1991ko hauteskundeetan Eusko Alkartasuna izan zen garaile berriro, baina behera egin zuen, eta Odón Elorza PSE-PSOEko hautagaiak kendu zion alkatetza, Alderdi Popularraren eta Euzko Alderdi Jeltzalearen botoei esker. Elorzak alkatetzan jarraitu zuen 2011ra arte, legealdi bakoitzean desberdin: EAJrekin eta EArekin 1995ean, PPrekin 1999an, eta Ezker Batua-Berdeak-Aralarrekin 2007an.

1991ko hauteskundeen ondorengo Donostiako udalbatza
Alderdia		1991ko maiatzak 26
Alderdia		Zinegotziak	Boto kopurua
	Eusko Alkartasuna (EA)	6 / 27	17.859 (% 22,58)
	Herri Batasuna (HB)	5 / 27	13.791 (% 17,44)
	Euskadiko Alderdi Sozialista (PSE-PSOE)	5 / 27	13.526 (% 17,10)
	Alderdi Popularra (PP)	5 / 27	13.036 (% 16,48)
	Euzko Alderdi Jeltzalea (EAJ)	4 / 27	12.170 (% 15,39)
	Euskadiko Ezkerra (EE)	2 / 27	6.922 (% 8,75)
	Besteak	0 / 27	1.778 (% 2,24)
Datuen iturria: Hauteskunde emaitzak. Eusko Jaurlaritza (Gaztelaniaz)

1995

1995ean Euskadiko Ezkerra eta PSOEren bateratzeak (PSE-EE) indarra eman zion Odon Elorzari. Hala ere, Alderdi Popularra izan zen lehen indarra udalerrian, PSE-EE. Odon Elorza aukeratu zuten alkate berriz ere, EAJren eta EAren sostenguari esker.

1995eko hauteskundeen ondorengo Donostiako udalbatza
Alderdia		1995eko maiatzak 28
Alderdia		Zinegotziak	Boto kopurua
	Alderdi Popularra (PP)	7 / 27	22.611 (% 24,33)
	Euskadiko Alderdi Sozialista (PSE-EE)	7 / 27	21.677 (% 23,33)
	Eusko Alkartasuna (EA)	5 / 27	16.271 (% 17,51)
	Herri Batasuna (HB)	4 / 27	13.579 (% 14,61)
	Euzko Alderdi Jeltzalea (EAJ)	3 / 27	11.331 (% 12,19)
	Ezker Batua-Berdeak (EB-B)	1 / 27	4.975 (% 5,35)
	Besteak	0 / 27	2.473 (% 2,66)
Datuen iturria: Hauteskunde emaitzak. Eusko Jaurlaritza (Gaztelaniaz)

1999

Euskal Herritarroken agerpenak eragin txikia izan zuen udal hauteskundeetan Donostian, eta Eusko Alkartasunaren eta Euzko Alderdi Jeltzalearen koalizioa bigarren indarra izan zen arren, ez zuen espero bezainbeste eragina izan. Oraingoan, Euskadiko Alderdi Sozialistak irabazi zituen hauteskundeak, eta Odon Elorzak PPren botoak jaso zituen alkatetzan jarraitzeko. Ezker Batua-Berdeak zeukan zinegotzi bakarra galdu zuen.

1999ko hauteskundeen ondorengo Donostiako udalbatza
Alderdia		1999ko ekainak 13
Alderdia		Zinegotziak	Boto kopurua
	Euskadiko Alderdi Sozialista (PSE-EE)	9 / 27	29.977 (% 30,45)
	Euzko Alderdi Jeltzalea-Eusko Alkartasuna (EAJ-EA)	7 / 27	23.440 (% 23,81)
	Alderdi Popularra (PP)	6 / 27	20.943 (% 21,27)
	Euskal Herritarrok (EH)	5 / 27	19.567 (% 19,87)
	Besteak	0 / 27	4.534 (% 4,61)
Datuen iturria: Hauteskunde emaitzak. Eusko Jaurlaritza (Gaztelaniaz)

2003

Espainiako Auzitegi Nazionalak ezker abertzaleak hauteskundeetara aurkezturiko zerrendak legez kanpo utzi zituen, eta ezker abertzaleak boto baliogabearen alde egitea eskatu zien hautesleei. Hala, aipagarria izan zen baliogabeko botoek izan zuten gorakada, aurreko udal hauteskundeetan 522 (%0,52) boto baliogabe eman baitziren, eta 2003an 10.665 (%10,22). Boto baliogabe horiek zenbatu izan balira, ezker abertzaleak 3 eserleku izango zituzkeen udalbatzan. Bestalde, Euzko Alderdi Jeltzalearen eta Eusko Alkartasunaren arteko koalizioa berriro ere aurkeztu zen. Odon Elorza hautatu zuten Donostiako alkate laugarrenez.

2003ko hauteskundeen ondorengo Donostiako udalbatza
Alderdia		2003ko maiatzak 25		Boto baliogabeak zenbatuz
Alderdia		Zinegotziak	Boto kopurua	Zinegotziak	Boto kopurua
	Euskadiko Alderdi Sozialista (PSE-EE)	10 / 27	33.349 (% 36,14)	10 / 27	33.349 (% 32,40)
	Euzko Alderdi Jeltzalea-Eusko Alkartasuna (EAJ-EA)	9 / 27	27.855 (% 30,19)	8 / 27	27.855 (% 27,06)
	Alderdi Popularra (PP)	7 / 27	22.260 (% 24,12)	6 / 27	22.260 (% 21,62)
	"Ezker Abertzalea" (Baliogabetua)			3 / 27	10.665 (% 10,36)
	Ezker Batua-Berdeak (EB-B)	1 / 27	4.895 (% 5,30)	0 / 27	4.895 (% 4,76)
	Besteak	0 / 27	3.917 (% 4,24)	0 / 27	3.917 (% 3,80)
Datuen iturria: Hauteskunde emaitzak. Eusko Jaurlaritza (Gaztelaniaz)

2007

Beste hainbat herri eta hiritan bezala, Espainiako epaileek galarazi eta baliogabetzat jo zituzten Eusko Abertzale Ekintzaren zerrenda, baita horrek lortutako botoak eta egokituko zitzaizkion zinegotziak ere. Baliogabeko botoak 11.029 (%12,93) izan ziren. Urte beretik Odon Elorza Ezker Batua-Berdeak-Aralarrekin zen udal gobernuan.^[3] Bestalde, EAJ eta EAren arteko koalizioa ez zen berritu, eta Ezker Batua-Berdeak eta Aralar koalizioan aurkeztu ziren. Odon Elorza berriz ere hautatu zuten alkate, PSE-EEren eta EB-B/Aralarren arteko akordioari esker.

2007ko hauteskundeen ondorengo Donostiako udalbatza
Alderdia		2007ko maiatzak 27		Boto baliogabeak zenbatuz
Alderdia		Zinegotziak	Boto kopurua	Zinegotziak	Boto kopurua
	Euskadiko Alderdi Sozialista (PSE-EE)	11 / 27	27.786 (% 38,62)	10 / 27	27.786 (% 33,49)
	Alderdi Popularra (PP)	6 / 27	15.862 (% 22,05)	5 / 27	15.862 (% 19,12)
	Euzko Alderdi Jeltzalea (EAJ)	5 / 27	12.768 (% 17,75)	4 / 27	12.768 (% 15,39)
	Eusko Abertzale Ekintza (EAE)			3 / 27	11.029 (% 13,29)
	Ezker Batua-Berdeak/Aralar (EB/Aralar)	3 / 27	8.487 (% 11,80)	3 / 27	8.487 (% 10,23)
	Eusko Alkartasuna (EA)	2 / 27	6.181 (% 8,59)	2 / 27	6.181 (% 7,45)
	Besteak	0 / 27	856 (% 1,19)	0 / 27	856 (% 1,04)
Datuen iturria: Hauteskunde emaitzak. Eusko Jaurlaritza (Gaztelaniaz)

2011

2011n, ezker abertzaleak Eusko Alkartasunarekin eta Alternatibarekin sinatutako akordioarekin Bildu koalizio subiranista sortu zuten, eta 1999tik lehenengoz ezker abertzalea Donostiako udal hauteskundeetara aurkeztu ahal izan zen, legez kanpo emandako 8 urteei amaiera emanez. Koalizio berriak lehen postua lortu zuen Gipuzkoako hiriburuan (8 eserleku), PSE-EEk baino eserleku bat gehiago lortuz. Hasiera batean ez zegoen batere argi alkatea nor izango zen, Euzko Alderdi Jeltzaleak baitzuen giltza; baina azkenean, Juan Karlos Izagirre (Bildu) izendatu zuten alkate, Odon Elorza alkatetzan 20 urte eman ondoren.^[4]

2011ko hauteskundeen ondorengo Donostiako udalbatza
Alderdia		2011ko maiatzak 22
Alderdia		Zinegotziak	Boto kopurua
	Bildu	8 / 27	21.110 (% 24,96)
	Euskadiko Alderdi Sozialista (PSE-EE)	7 / 27	19.666 (% 23,26)
	Alderdi Popularra (PP)	6 / 27	16.502 (% 19,51)
	Euzko Alderdi Jeltzalea (EAJ)	6 / 27	15.587 (% 18,43)
	Besteak	0 / 27	11.700 (% 13,85)
Datuen iturria: Hauteskunde emaitzak. Eusko Jaurlaritza (Gaztelaniaz)

2015

2015ean Bildu Euskal Herria Bildu koalizio berria bihurtu zen, eta emaitzak okertu zituen: lehenengo postutik hirugarrenera jaitsi zen, eta alkatetza galdu zuen. Euzko Alderdi Jeltzaleak, berriz, nabari egin zuen gora, lehen indarra bihurtzeraino; eta Euskadiko Alderdi Sozialistak ere egin zuen gora, EH Bildu gaindituz. Bestalde, Alderdi Popularrak beheranzko joera mantendu zuen, zinegotzien erdia galduz; eta Irabazi koalizioa udalbatzan sartu zen.

Eneko Goia EAJko hautagaia alkate izendatu zuten bere taldearen botoekin, gehiengo soila lortuta, PSE-EEk boto zuria eman ondoren.

2015eko hauteskundeen ondorengo Donostiako udalbatza
Alderdia		2015eko maiatzak 24
Alderdia		Zinegotziak	Boto kopurua
	Euzko Alderdi Jeltzalea (EAJ)	9 / 27	29.029 (% 30,13)
	Euskadiko Alderdi Sozialista (PSE-EE)	7 / 27	24.007 (% 24,92)
	Euskal Herria Bildu (EH Bildu)	6 / 27	20.467 (% 21,24)
	Alderdi Popularra (PP)	3 / 27	9.272 (% 9,62)
	Irabazi-Ganemos Euskadi	2 / 27	6.947 (% 7,21)
	Besteak	0 / 27	6.632 (% 6,89)
Datuen iturria: Hauteskunde emaitzak. Eusko Jaurlaritza (Gaztelaniaz)

2016ko Eusko Legebiltzarreko hauteskundeak

2016ko Eusko Legebiltzarreko hauteskunde emaitzak Donostian

2016ko Eusko Legebiltzarreko hauteskundeak

Data:	2016ko irailaren 25a
Hauteslegoa:	147.061
91.070	61.93٪
91.727	657 237

Alderdia¹	Boto kopurua	Baliozko botoen ehunekoa
Euzko Alderdi Jeltzalea	30.697	33.47٪
Euskal Herria Bildu	17.967	19.59٪
PSE-EE	12.639	13.78٪
Elkarrekin Podemos	13.864	15.11٪
Euskadiko Alderdi Popularra	11.634	12.68٪
Herritarrak - Herritarron Alderdia	2.395	2.61٪
Alderdi Animalista Ingurumenarekin	886	0.97٪

¹Alderdien hurrenkera emaitza orokorraren arabera eskaini da

2019

2019an Euzko Alderdi Jeltzaleak irabazi zituen hauteskundeak berriz ere, emaitza hobeak lortuz. Euskal Herria Bilduk aurreko emaitzak berdindu zituen, baina Euskadiko Alderdi Sozialistaren beherakada dela eta, udalbatzako bigarren indarra bihurtu zen. Aurreko hauteskundeetan Irabazi koalizioan aurkeztu ziren alderdiak (Ezker Anitza eta Equo) Ahal Dugurekin batera Elkarrekin Podemos koalizioa osatu zuten, eta Irabaziren emaitzak hobetu zituzten. Eneko Goia jelkidea hautatu zuten alkate bigarrenez, oraingoan gehiengo osoarekin PSE-EErekin osatutako koalizio gobernuari esker.

2019ko hauteskundeen ondorengo Donostiako udalbatza
Alderdia		2019ko maiatzak 26
Alderdia		Zinegotziak	Boto kopurua
	Euzko Alderdi Jeltzalea (EAJ)	10 / 27	34.065 (% 35,76)
	Euskal Herria Bildu (EH Bildu)	6 / 27	20.367 (% 21,38)
	Euskadiko Alderdi Sozialista (PSE-EE)	5 / 27	16.851 (% 17,69)
	Alderdi Popularra (PP)	3 / 27	10.340 (% 10,85)
	Elkarrekin Podemos (Ahal Dugu-IU-Equo)	3 / 27	9.476 (% 9,95)
	Besteak	0 / 27	4.164 (% 4,37)
Datuen iturria: Hauteskunde emaitzak. Eusko Jaurlaritza (Gaztelaniaz)

2020ko Eusko Legebiltzarreko hauteskundeak

2020ko Eusko Legebiltzarreko hauteskunde emaitzak Donostian

2020ko Eusko Legebiltzarreko hauteskundeak

Data:	2020ko uztailaren 12a
Hauteslegoa:	147.515
80.023	54.25٪
79.679	837 344

Alderdia¹	Boto kopurua	Baliozko botoen ehunekoa
Euzko Alderdi Jeltzalea	29.314	36.79٪
Euskal Herria Bildu	19.334	24.26٪
PSE-EE	12.483	15.67٪
Elkarrekin Podemos	6.471	8.12٪
PP+Cs	7.000	8.79٪
Vox	1.751	2.2٪
Alderdi Animalista Ingurumenarekin	492	0.62٪
Equo	1.276	1.6٪

¹Alderdien hurrenkera emaitza orokorraren arabera eskaini da

2023

2023an Euzko Alderdi Jeltzalearen eta Euskal Herria Bilduren arteko leia estua aurreikusten zen, eta inkesta batzuk EH Bilduren garaipena iragartzen zuten. Hauteskunde gauean, kontaketaren hasieran EH Bilduk zeuzkan boto gehien, baina gauak aurrera egin ahala EAJk aurreratu zuen, mila boto inguruko tartearekin lehen postua mantenduz. EAJk zinegotzi bat galdu arren gehiengo osoa mantendu zuen udal gobernuak, PSE-EEren sostenguari esker. Beraz, Eneko Goia jelkidea hautatu zuten alkate berriz ere, EAJren eta PSE-EEren botoekin.

2023ko hauteskundeen ondorengo Donostiako udalbatza
Alderdia		2023ko maiatzak 28
Alderdia		Zinegotziak	Boto kopurua
	Euzko Alderdi Jeltzalea (EAJ)	9 / 27	24.539 (% 28,04)
	Euskal Herria Bildu (EH Bildu)	8 / 27	23.387 (% 26,72)
	Euskadiko Alderdi Sozialista (PSE-EE)	5 / 27	16.239 (% 18,55)
	Alderdi Popularra (PP)	3 / 27	10.590 (% 12,10)
	Elkarrekin Podemos (Ahal Dugu-IU-Equo)	2 / 27	7.063 (% 8,07)
	Besteak	0 / 27	4.065 (% 6,52)
Datuen iturria: Hauteskunde emaitzak. Eusko Jaurlaritza (Gaztelaniaz)

Erreferentziak

↑ (Gaztelaniaz) «Constituido el Ayuntamiento de San Sebastián, con alcalde del PNV», ABC, 1979-04-21.
↑ (Gaztelaniaz) «Jesús María Alkain es proclamado alcalde», Diario Vasco, 2009-04-21.
↑ (Gaztelaniaz) «Alternatiba desaira a EB y confirma su pacto de gobierno con Elorza», El País, 2009-07-22.
↑ (Gaztelaniaz) Juan Karlos Izagirre, nuevo alcalde de San Sebastián. Diario Vasco (Noiz kontsultatua: 2011-6-11).

Ikus, gainera

Kanpo estekak

Euskarazko Wikipedian bada atari bat, gai hau duena:
Donostia

[1] (Gaztelaniaz) «Constituido el Ayuntamiento de San Sebastián, con alcalde del PNV», ABC, 1979-04-21.

[2] (Gaztelaniaz) «Jesús María Alkain es proclamado alcalde», Diario Vasco, 2009-04-21.

[3] (Gaztelaniaz) «Alternatiba desaira a EB y confirma su pacto de gobierno con Elorza», El País, 2009-07-22.

[4] (Gaztelaniaz) Juan Karlos Izagirre, nuevo alcalde de San Sebastián. Diario Vasco (Noiz kontsultatua: 2011-6-11).

[1]

[2]

[3]

[4]