Tempranillo
L'uva tempranillu, tamién llamá tempranilla, tinta del país o cencibel, es una variedá d'uva tinta cultivá estensamenti pa producil vinus tintus con cuerpu[1] en España, de dondi es originaria. Ocupa una superfici de cultivu de 31.046 hectáreas, lo que suponi un 61% la D.O. Calificá Rioja, con un aumentu progresivu en los últimus añus en detrimentu d'otras variedadis. Se considera autóctona de Rioja. Es la prencipal uva usá en La Rioja, y a menúo se la menciona comu l'"uva nobli" d'España.[2] El su nombri es el diminutivu de templanu,[1] lo cual hazi referencia al hechu de que madura varias semanas endenantis que la mayor parti las variedáis d'uva tinta españolas. Existi una variedá blanca de mutación recienti: tempranillu blancu.
Características
EditalLa tempranilla es una uva tinta con una piel gruesa.[1] Creci mejor en altitudis relativamenti artas, pero pué tamién toleral climas una jartá más templaus.[3] Con relación a la produzión e tempranillo en varius climas, el espertu en vinu Oz Clarke señala:
En la Ribera del Duero la temperatura meya en juliu está al reor e los 21.4 °C,[4] manqui las temperaturas a meyodía en el cañajón inferior puen llegal a los 40 °C. Por la nochi la región esperimenta una drástica variación e temperatura diurna con temperaturas que bajan hasta 16 °C (60 °F) respectu a la máxima del día. L'uva tempranillo es una las pocas que puen adaptalsi y prosperal en climas mediterráneus continentalis com'ésti.[5]
La baja acidez asociá con el crecimientu a baju altol se remeya mayormenti mezclándola con uvas más ácidas, comu la graciano en La Rioja.[6] Es mu segura en el cuajau, mu sensibli a plagas y enfermedadis, y una mijina resistenti a la sequía y a temperaturas artas. Los recimus tien forma cilíndrica y son compactus. Las bayas son esféricas, de colol negru púrpura con una pulpa incolora. La baya es e colol mu oscuru y forma una esfera com'un abaloriu, y d'ahí el su nombri en catalán: ull de llebre (oju de beata).
La raíz e tempranilla absorbi potasiu con facilidá, lo qu'ayúa a los nivelis e pH de 3.6 en la pulpa y 4.3 en la piel cuandu alcanza la madurez. Cuandu absorbi demasiau potasiu, el mostu es más salinu lo que hazi más lenta la desaparición del aceu málicu lo que da comu resultau un pH superior.[7] El peyeju no presenta ningún carácter herbáceu.[7] L'uva es mu susceptibli a las inclemencias de l'oriya, contrayéndosi cuandu ai sequía e hinchándosi cuandu ai demasiá humedá. La hinchazón tié un efectu negativu en la calidá, pos afecta al colol del vinu. Los efectus de l'oriya se atenúan en lugaris con piedra caliza debíu al efectu l'arcilla y la humedá en las raícis; los efectus son peoris en zonas arenosas, asín comu pa viñas que tien menus e doci añus, pos las raícis son generalmenti demasiau superficialis.[7]
Diversus estudius an puestu de manifiestu ciertu potencial antioxidanti.[8]
Huentis
EditalReferéncias
Edital- ↑ 1,0 1,1 1,2 url=https://web.archive.org/web/20080617114440/http://www.supermarketguru.com/page.cfm/194Dennis Manuel, Tempranillo, Supermarketguru.com. 25 de junio de 2001. http://web.archive.org/web/. 29 de noviembre de 2015
- ↑ (2003)http://www.in-spain.info/top20/tempranillo.htm Tempranillo, Spain’s Noble Grape
- ↑ Perkins, Sid: "Global Vineyard. Can technology take on a warming climate?", Science News, Vol. 165, No. 22. (May 29, 2004), pp. 347-349. [1]
- ↑ H. Johnson y J. Robinson. "The World Atlas of Wine". Página=191. 2005. isbn=1-84000-332-4
- ↑ J. Robinson. "The Oxford Companion to Wine". Página=576. 2006. isbn=0-19-860990-6
- ↑ Graciano. Epicurious Wine Dictionary https://web.archive.org/web/20090221160510/http://www.epicurious.com/tools/winedictionary/entry?id=6594
- ↑ 7,0 7,1 7,2 Manuel Ruiz Hernández. "Variedad Tempranillo" https://web.archive.org/web/20001102184229/http://www.arrakis.es/~mruizh/a9.htm. 1999
- ↑ González-Flores D, Gamero E, Garrido M, Ramírez R, Moreno D, Delgado J, Valdés E, Barriga C, Rodríguez A.B, Paredes S.D. (2012). "Urinary 6-sulfatoxymelatonin and total antioxidant capacity increase after the intake of a grape juice cv. Tempranillo stabilized with HHP". Food & Function 3: 34-39. doi:[10.1039/c1fo10146c].
Bibliografía
Edital- Ron Herbst y Sharon Tyler Herbst. "Wine Lover's Companion". Barron's. Edición rústica. 1995
- Robinson, Jancis. "Vines, Grapes and Wines: The Wine Drinker's Guide to Grape Varieties". Mitchell Beazley. 1992. ISBN 978-1-85732-999-5
- Robinson, Jancis. "The Oxford Companion to Wine, third edition". Oxford University Press. 2006. 978-0198609902
Atijus
Edital
En Commons ai conteníu multimedia sobre Tempranillo.