Tennessee
Tennessee (chéroqui: ᏔᎾᏏ ta-na-si) es un estáu dela región suroriental delos Estaus Unius.
| Tennessee | ||
|---|---|---|
| Entidad subnacional | ||
 | ||
 Bandera | ||
 Ubicación de Tennessee | ||
| Coordenadas | 36°N 86°O / 36, -86 | |
| Capital | Nashville | |
| Entidad | Estado de los Estados Unidos | |
| • País | Prantilla:Geodatos Estaus Unius | |
| Superficii | ||
| • Total | 109 247 km² | |
| Altol | ||
| • Media | 280 m s. n. m. | |
| Puebración (1 de abril de 2020) | ||
| • Total | 6910840 hab. | |
| • Densidá | 63,26 hab/km² | |
| Huso horario | Horario del este de Norteamérica y Hora estándar del centro | |
| Sitio web oficial | ||
Asitiamentu
EditalTieni una estensión de 109.247 km², i linda con Kentucky al norti, con Virxinia al noresti, con Carolina del Norti al este, con Georgia, Alabama yi Mississippi al sur, con Arkansas al oesti i con Missouri al noroesti. Ena çona oriental del estáu se asitian los Apalachis, mentantu que'l ríu Mississippi hazi de lindi estatal ocidental. La su capital i cidá prencipal es Nashville (660.388 abitantis), asegua de cerca eno que izi en puebración por Memphis, que tieni 652.717 abitantis.
Etimología
Edital
El términu Tenesí jue gastau pola primerita vezi nuna expedición comandá por el capitán Juan Pardo, un exploraol español, quandu esti y los sus ombris passun por una puebración d’indígenas llamás «Tanasqui» en 1567 mientris que viajaban al interior dendi la actual Carolina del Sul. Los uropeus endispués encontrun un puebru cherokee llamauTanasi (o Tanase) nel condau actual de Monroe. El puebru estava asitiau juntu al río del mesmu nombri (ogañu coñeciu comu Little Tennessee River).
El significau i el origin del nombri son inciertus. S’a sugeriu que seríe una modificación cheroqui duna palabra yuchi/creek anteriol. Tamién s’a dichu que senifica 'lugar de encuentru' i 'río tortu'.
El términu moelnu n’ingrés Tennessee s’atribuyi a James Glen, el gobernaol de Carolina del Sul, que gastó esti nombri ena su correspondencia oficial alreol de 1750. En 1788, Carolina del Norti llamó Tennessee County al tercel condau que s’estableció eno que ogañu seríe el centru del Estau de Tennessee. El términu Tennessee s’adoptó finalmenti nuna convención constitucional reunia en 1796 pa creal un nuevo estau.
N’español, emperu, se siguió gastandu la grafía Tenesí.[1]
Estória
EditalL'estáu de Tennessee tieni las sus raicis ena Asociación Watauga, un pactu de raya firmay en 1772 qu'aveza a consideral-si como'l primeritu goviernu constitucional al oesti delos Apalachis. L'actual Tennessee era inicialmenti parti de Carolina del Norti, y endisuúes parti del Territoriu del Suroesti. Aluegu de convertise n'estáu, foi almitíu ena Unión comu decimosestu estáu el 1 de juñu de 1796. Jue, delos estaus sureños, el primeru n'abandonal la Unión i arrejuntal-si ala Confederación cuandu estalló la Guerra de Secesión en 1861. Ocupáu polos unionistas dendi l'añu seguiente, jue el primeritu estáu en ser realmitíu ena Unión endispués dela firma dela paz.
Tennessee dio más soldaus al ejércitu confederáu que dengún estáu sacante Virginia, i más soldaus al ejércitu unionista que'l restu delos estaus confederaus juntus. Endispués dela reconstrución, ena posguerra civil, ubu una actividá política partidista emportanti nel estáu, inque tras l’aporti al poder de los demócratas finando la década de 1880 s’aprobaron leyus qu'escluyeron a la mayoría dela población afroamericana y a abondus blancos probes del derechu al votu. Esto hizu que la competencia política partidista amenorgara enforma hasta l'aprobación, a mediaus del sigru XX, de la legislación federal de derechus civilis. Nel sigru XX Tennessee pasó de ser una economía puramente agraria a una más diversificá, ayudá pola ingenti inversión federal por mé de l'Autoridá del Valle del Tennessee (Tennessee Valley Authority) i de las inversionis ena cidá d'Oak Ridge. Esta jue escogía pa establecer las instalacionis d'arriquecimientu d'uraniu del Proyeutu Manhattan, ayudando a construyil las primeras bombas atómiquas dela estória.
Economia
EditalLas prencipalis industrias del estáu incluyin las agricolas, las manufatureras y las turísticas. El cultivu soja i la cría d'aves de corral i ganáu bovínu son las prencipalis atividais del sector primariu, mentantu que nel secundariu destacan la fabricación de produtus químicus, equipamientus pal tresporti y equipamientu ilétricus.
Turismu
EditalAl esti del su territoriu asitiase el parqui nacional más visitáu d los Estaus Uníos, el Parqui nacional delos Grandis Montis Fumientus, i una parti del Senderu delos Apalachis (Appalachian Trail) percorri la lindi entri l'estáu i Carolina del Norti. Otrus destinus turísticus emportantis son l'acuariu de Tennessee (Tennessee Aquarium) en Chattanooga, el Muséu i Salón dela Fama de la Música Country (Country Music Hall of Fame and Museum) en Nashville, la residencia (Graceland) i la tumba d'Elvis Presley i el Muséu Nacional delos Derechus Civilis (National Civil Rights Museum) en Memphis, i la destilería de Jack Daniel's en Lynchburg.
Huntis
Edital- ↑ «Sinopsis estadística de los Estados Unidos de América». El Instructor (Imprenta de Carlos Wood, Londres: Hemeroteca Digital • Biblioteca Nacional de España) (3): 96. Marzo de 1834. Consultado el 4 de marzo de 2022. «[Tabla general] Tenesí / 40 000 millas cuadradas ».
Atijus esternus
Edital- Páxina oficial del Estáu (n'inglés)
- Enciclopedia de Tennessee (n'inglés)