Hussisaar
Hussisaar (ukraina keelen острів Зміїний) om saar Musta mere põh'aosah, miä kuulus Ukrainalõ. Tä om umbõs 37,5 km kavvutsõl Doonau deltast. Arvatas, et saar om uma nime saanuq tuu perrä, et tuulitsõ ilmaga kandvaq huuvusõq Doonau jõõst saarõlõ hussõ (päämädselt vesinastikit). Saar kuulus Odessa oblasti Izamili rajooni ala.
Saar om kivine ja X-tähe kujolinõ. Timä kõgõ korgõmp kotus om merepinnast 41,3 miitret. Saarõ ütest veerest tõistõ om pia 700 miitret, suurus om 0,2 kruutkilomiitret. Saarõ mant merest om lövvet 58 liiki kallo ja 6 liiki krabisit.
Saarõ pääl om 12 miitre korgunõ tulõtorn, miä sai valmis 1842. aasta sügüse.
Inne vindläisi kallalõtungi 2022. aastal elliväq saarõ pääl Ukraina piirivalvuriq ja näide perreliikmõq. Ku saarõ kaitsjaq kallalõtungjaq surma pelgämädä persehe saadivaq, sai saar kuulsas üle ilma.
Kaeq viil
toimõndaq