Ernest Borgnine
Ernest Borgnine (f. 24. januar 1917 í Connecticut – d. 8. juli 2012 í Kalifornia) hevur verið við í nógvum filmum. Ofta sum óndi maðurin ella banditturin. Eisini hevur hann havt leiklut í fleiri sjónvarpsrøðum. Ernest Borgnine varð føddur við navninum Ermes Effron Borgnino 24. januar 1917 í Hamden í Connecticut í USA. Kendi amerikanski filmssjónleikarin andaðist 8. juli 2012. Hann gjørdist 95 ára gamal. Hann vann sær ein Oscar fyri leiklutin sum Marty Piletti í fiminum "Marty" í 1955. Honum er eisini ognað ein stjørna á kenda Walk of Fame í Hollywood, Kalifornia. Í 1973 giftist hann norsku Tova Træsnæs, sum nú situr einkja. Hon er annars fimta kona hansara og er kend fyri kosmetikkfyritøku sína "Beauty of Tova". Borgnine var í mong ár í amerikansku sjóverjuni, áðrenn hann fór á sjónleikaraskúla. Fyrstu ferð á palli var á Broadway, New York í 1947, og fólk løgdu hann til merkis. Á filmi var hann fyrstu ferð at síggja í 1951. Seinni gjørdist hann kendur sum óndi sersjanturin í "From Here To Eternity" í 1953.
| Ernest Borgnine | |
|---|---|
 | |
| er eitt | menniskja |
| Fødd(ur) | 24. jan 1917 í/á Hamden |
| Andaðist | 8. jul 2012 í/á Cedars-Sinai Medical Center |
| Deyðsorsøk | kidney failure |
| Alma mater | Hillhouse High School |
| Starv | sjónleikari, filmsleikari, persónsmenskuleikari, heryvirmaður, sjónvarpsleikari, raddaleikari, sjónleikari á palli |
| Politiskur flokkur | Republikanski Flokkurin |
| Trúgv | gudloysi |
| Mál | Enskt mál |
| Undirskrift |
 |
| Dátuheiti | |
| ISNI | 0000000115765725 |
| VIAF | 84969006 |
| LCAuth | n85085825 |
| IMDB | nm0000308 |
| Commons | Ernest Borgnine |
