Cristian Laus

Cristian Laus (en francés Christian Laux; Cecenon, 20 de julh de 1934 - Albi, 5 de febrièr de 2002) foguèt un escrivan e lingüista occitan.

Biografia

Faguèt los estudis a Besièrs, e puèi a Montpellier e mai París. La formacion scientifica de Cristian Laus l'aviá menat a l'Escòla Normala Superiora de l'Ensenhament Tecnic a Cachan. Professor de sciéncias fisicas e d'occitan a Albi, sa passion per la lenga nòstra lo menèt a l'escritura e a la promocion activa de l'occitan. Foguèt membre del Partit Occitan tre sa creacion. Èra un dels membres del Conselh de la Lenga Occitana. Ocupèt la presidéncia de l'IEO de Tarn. Faguèt lo tèxt de la benda dessenhada Las Passejadas de Martin de Castanet en Egipte del dessenhaire Francés Piquemal.

Menèt una òbra utila e unanimament reconeguda amb las publicacions de sos diccionaris.

Sos romans

• La coa de la cabra (1978)
• Garriguenc (1997)
• Los uèlhs de l'anhèl (1999)
• Joan Delcaire, parucion postuma en 2003

Sos diccionaris

• Dictionnaire Français-Occitan (1997)
• Dictionnaire Occitan-Français (2001)

E tanben

• Albigés, païs occitan : recueil de textes tarnais, 1980.
• Nadals recampats e presentats per Christian Laux e Daniel Loddo, Albi, IEO & Gaillac, la Talvèra, 1985
• Jan Laurés, Los Secrets de la vendémia, transcripcion e presentacion per Cristian Laus, 1988

Ligam extèrn

Diccionari francés-occitan lengadocian de C. Laus en linha sul site del Congrès Permanent de la Lenga Occitana.