Antouèno Pinê
|
Cél articllo est ècrit en arpetan supradialèctâl / ORB lârge. | 
|
Antouèno Pinê, nèssu lo 30 de dècembro 1891 a Sant-Safurin (Rôno) et môrt lo 13 de dècembro 1994 a Sant-Chamond (Lêre), fut un homo d'ètat francês.
L’ortografia ou ben la gramère de cél articllo est a controlar.
Venent d'un méten modèsto, endustrièl de profèssion, il comence sa carriére politica sot la IIIéma Rèpublica, a Sant-Chamond, yô il est èlu mère pués conseliér gènèral. D'abôrd favorâblo u marechâl Pétain, il en vint yon des oposants et porsiut sa carriére politica en étent yona des figures de proue du Centro nacionâl des endèpendents et payisans (CNIP).
Plusiors côps ministro sot la IVéma Rèpublica, il est dèsignê prèsident du Consèly per Vincent Auriol en 1952. Il apond ceta charge avouéc lo ministèro des Finances et des Afâres èconomiques. La nan-stabilitât du règimo lo colent a dèmissionar quârques mês més târd. En 1955, il est qu'avêt nom ministro des afâres ètrangiéres et vint a ceti titro yon des actors de la dècolonisacion por lo profit du Maroc et de la Tunisie.
Partisan du retôrn du gènèral de Gaulle u povêr, il vint ministro des Finances en 1958 et contribue a la mêsa en place du « novél franc ». Sa nan-ententa pèrsonèla avouéc lo fondator de la Véma Rèpublica et son oposicion a la politica menâye per lo govèrnement en Algèrie francêsa lo conduisont a dèmissionar en 1960. Reteriê de la via politica, il est lo premiér mèdiator de la Rèpublica entre 1973 et 1974.