Hebreewsk kalender
 Tekst üüb Öömrang
|
A hebreewsk kalender (hebr. הלוח העברי ha-lu'ach ha-iwri) racht ham efter a muuner. Efter twaalew muuner (~354 daar) as oober noch nian juar am, diaram jaft at skregeljuaren mä 13 muuner (~384 daar). So woort di kalender weder uunpaaset tu't sanjuar (~365,25 daar).
faan't juar 1831 (5591)
At hebreewsk juar begant uun a harewst mä di muun Tischri, auer efter a gluuw faan a Juuden a minsken uun a harewst skeeben wurden san. Det as oober likes a sööwenst muun, an ei a iarst Nisan. Di iarst muun as di muun, huar a Juuden faan Egypten ütjtoog, am en nei aran tu sjüken. An auer a welt uun't juar 3761 f.Kr. skeeben wurden as, begant uk di kalender uun det juar.
A nöömer föör a muuner kam faan't aramäisk spriak.
Muuner
Bewerke| Nr. | Muun | Lengde (daar) | Began tesken ... | an ... | Stäärbil |
|---|---|---|---|---|---|
| 7 | Tischri | 30 | began September | began Oktuuber | Waag |
| 8 | Cheschwan | 29 (of uk 30) | began Oktuuber | began Nofember | Skorpioon |
| 9 | Kislew | 30 (of uk 29) | began Nofember | began Detsember | Böögsjiter |
| 10 | Tevet | 29 | aanj Nofember | maden Detsember | Stianbok |
| 11 | Schevat | 30 | aanj Detsember | maden Janewoore | Weedermaan |
| 12 | Adar | 29 | began Febrewoore | began Marts | Fasker |
| 1 | Nisan | 30 | maden Marts | maden April | Room |
| 2 | Ijjar | 29 | maden April | maden Mei | Hole |
| 3 | Siwan | 30 | maden Mei | began Jüüne | Twanlanger |
| 4 | Tammus | 29 | began Jüüne | began Jüüle | Kraab |
| 5 | Aw | 30 | maden Jüüle | maden August | Lööw |
| 6 | Elul | 29 | maden August | maden September | Jongfoomen |
Wegdaar
Bewerke- Jom Rischon (יום ראשון, „iarst dai“, Söndai)
- Jom Scheni (יום שני, „ööder dai“, Mundai)
- Jom Schlischi (יום שלישי, „traad dai“, Teisdai)
- Jom Revi’i (יום רביעי, „sjuard dai“, Wäärnsdai)
- Jom Chamischi (יום חמישי, „fift dai“, Süürsdai)
- Jom Schischi (יום שישי, „sääkst dai“, Freidai)
- Schabbat (שבת, det ment „rau“, Saninj)
Luke uk diar
Bewerke
Commons: Hebreewsk kalender – Saamlang faan bilen of filmer