Atacama

Tekst üüb Öömrang

At Atacama-wüüst (of man ianfach Atacama) lingt a Pasiifik-küst faan Süüdameerikoo deel faan 18 bit 27 graad süüdelk breetje. Hat leit sowat tesken a stääden Tacna (Peru) an Copiapo (Chile) auer en distans faan amanbi 1200 kilomeetern.

Laag faan't Atacama-wüüst (güül)

At Atacama as en küstenwüüst an det drügst regiuun faan a eerd.

Kliima

Det wüüst leit uun a rinjskaad faan a Anden. Di uastwinj rinjt ham üüb a uastsidjen uf, so dat uun't waasten nään drööb rin muar uunkomt. An föör't küst lääpt a Humboldtstruum. Hi as kuul an ferhanert, dat diar rin apstiig koon. Sodanang as't uun't Atacama iarer keelag an flooksis mistag.

Wan di Humboldtstruum ans ei so stark as, - det komt sowat aler sääks bit tjiin juar ans föör - do rinjt det oober sowat faan gewaltag, dat at wüüst apbleut. Detdiar aparte föörkemen het El Niño, auer det miast kurt för Jul apträät. An El Niño as at Kenken. Uun't juar 2012 wiar't ans weder sowidj, an do hää di rin a struaten wechspeeld, an det betj ääkerlun uk noch glik mä.

Bilen

• 
  Valle de la Luna
• 
  Lamas
• 
  Saaltwüüsten
• 
  En oaas
• 
  At Atacama bleut
  (Desierto florido)
• 
  Desierto florido

Luke uk diar

 Commonskategorii: Atacama-wüüst – Saamlang faan bilen of filmer

-22-69.5