 Tekst üüb Öömrang
|
At E-Mail (ingelsk [ˈiːmeɪl], faan electronic mail för elektroonisk post) as en bööd, diar auer en kompjuuter fersjüürd wurd koon. Bütj WWW as E-Mail di wichtagst siinst uun't internet. Diarmä kön dokumenten, oober uk bilen uun sekunden auer a hialer welt sjüürd wurd. Ööders üs bi't tilefoon koon en bööd auerdraanj wurd, uk wan di, wat det haa skal, goorei paroot as. Det E-Mail woort teskenloogert, bit det ufhaalet woort. Son E-Mail-postfääk koon oober uk auerluup. Wan det fol as, wurd nian nei E-Mails för detdiar adres muar uunnimen.
För't fersjüüren faan E-Mails woort uun't internet en näätprotokol brükt, det het SMTP (Simple Mail Transfer Protocol). För't ufhaalin woort miast POP3 (ual) of IMAP brükt.
Ufluup
Bewerke
Brüker A sjüürt en E-Mail faan san kompjuuter auer't internet tu san E-Mail-provider (fersurger), det as det onernemen, huar hi en ferdrach mä hää. Di fersurger sjüürt det E-Mail widjer tu di fersurger faan brüker B, huar det E-Mail uunkem skal. Diar leit det uun en postfääk, bit brüker B det ufhaalet.
Adres
Bewerke
Arke E-Mail-adres skal iandüüdag wees. Adresen uun't SMTP-süsteem haa leewen tau dialen: Föör stäänt di lokaal dial an bääft di domain-dial, an diartesken stäänt det @-tiaken (ütjspreegen: et), bispal: info@wikipedia.org.
Luke uk diar
Bewerke
Commonskategorii: E-Mail – Saamlang faan bilen of filmer
Wikiquote: E-Mail (sjiisk)