Elfenbianküst

Tekst üüb Fering

At Elfenbianküst, amtelk Republiik faan't Elfenbianküst (üüb Fraansöösk: Côte d’Ivoire [kot.di.ˈvwaʁ] harke tu^?/i an République de Côte d’Ivoire [ʁe.py.ˈblik də kot.di.ˈvwaʁ]) as en stoot uun a waast faan Aafrika. Uun a nuurd lei Maali un Burkiina Faaso, uun a uast leit Ghaana an uun a waast lei Libeeria an Guinea. At lun hee 26.378.274 lidj (2020)^[1]. At hoodsteeden san Abidjan an Yamoussoukro

Geografii

Geograafisk Laag

At Elfenbianküst leit twesken 10° 44' an 04° 22' (faan a nuurd tu a süüd) an 8° 35' an 2° 35' (faan a waast tu a uast). At lun as wat letjer üüs Tjiisklun.

At lun dialt grensen mä fiiw lunen. Det lingst grens (816 km) faan’t lun wurt mä Guinea an det kurtst (545 km) mä Burkiina Faaso diald. Det dialt uk en 778 km lung grens mä Libeeria, en 720 km lung mä Ghaana an en 599 km lung mä Maali. A eeg faan’t lun as 515 km lung.

Berger

Berger uun’t Elfenbianküst san: de Zo Berig (1144 m), de No Berig (1070 m), de Zan Berig (1066 m), de Sangrou Berig (1051 m), de Tyouri Berig (913 m), de Bo Berig (902 m), de Bougouri Berig (893 m), de La Dent de Man Berig (881 m), de Gan Berig (872 m) an de Saratigikourou Berig (860 m).

Indialing faan Ferwalting

At Elfenbianküst hee sant 2011 twaalew distrikten an tau aanjstendig steeden. Dön aanjstendig steeden san Abidjan an Yamoussoukro. Dön distrikten san:

Distrikt	Grate (km²)	Lidj (2014)	Hoodsteed
Bas-Sassandra	25.800	2.280.548	San-Pédro
Comoé	14.173	1.203.052	Abengourou
Denguélé	20.997	289.779	Odienné
Gôh-Djiboua	17.580	1.605.286	Gagnoa
Lacs	28.500	1.258.604	Dimbokro
Lagunes	23.280	1.478.047	Dabou
Montagnes	31.050	2.371.920	Man
Sassandra-Marahoué	23.940	2.293.304	Daloa
Savanes	40.210	1.607.497	Korhogo
Vallée du Bandama	28.518	1.440.826	Bouaké
Woroba	31.088	845.139	Séguéla
Zanzan	38.251	934.352	Bondoukou

Elfenbianküst (Elfenbianküst)

Yamoussoukro

Abidjan

LIBEERIA

GUINEA

MAALI

BURKIINA FAASO

GHAANA

ATLANTIK

Kossoustausia

Buyosia

Befölkring

Spriiken

Det amtelk spriik faan't lun as Fraansöösk.

Sünjhaid

Wüfen raage uun't madel en ääler faan 58,7 juaren, an maaner ian faan 56,3 juaren.

Histoore

Elfenbianküst wurd 7. August 1960 faan Frankrik suwereen. Félix Houphouët-Boigny wiar de iarst president, wat at lun ap tu 1993 regiaret. Efter a 1993 duas faan Houphouët-Boigny, wurd Henri Konan Bédié at stoosboowenhood. At wiar 1999 en putsch, huaruun Robert Guéï at meecht greeb. Efter en staheu uun 2000, wurd Laurent Gbagbo a president. En kurt bürgerkrich wiar 2002, huarauer Robert Guéï ambroocht wurd. At wiar en presidentskapswool uun 2010, huaruun Laurent Gbagbo skiinboor a waner wiar, man a resultooten diarfaan iin uun twiiwel taanjen wurd. At fulige wiar en öler bürgerkrich, an Alassane Ouattara wurd a president.

Politiik

Elfenbianküst as en republiik. At stootsboowenhood as a president. A president sant 2011 as Alassane Ouattara. Det Rassemblement des Républicains as at partei faan't regiaring.

Bütjenpolitiik

Elfenbianküst as sant 20. September 1960 lasmoot faan dön Feriand Natschuunen an sant 25. Mei 1963 faan det Aafrikoons Unioon.

Wiartskap

At lunwiartskap as de wichtigst twiich faan't wiartskap uun't lun.

At weering faan't lun as de waastaafrikoons CFA-Franc, wat faan det Waastaafrikoons Sentraalbeenk ütjbroocht wurt.

Kwelen

↑ www.citypopulation.de

[1] www.citypopulation.de

[1]