Gaza (Prowins)

Tekst üüb Fering

Det Gaza Prowins (üüb Portugiisk: Província de Gaza [ˈga.zɐ]) as en prowins uun de aafrikoons stoot Mosambik. At prowins leit uun a süüdwaast faan’t lun. Det as efter en swaasi höödling, Gaza, neemd, diar uun a 19. juarhunert lewet. Uun a nuurdwaast leit det Masvingo Prowins faan Simbabwe, uun a nuurd leit det Manica Prowins, uun a uast det Inhambane Prowins, uun a süüd det Maputo Prowins an uun a waast lei dön Limpopo an Mpumalanga Prowinsen faan Süüdaafrika. At prowins hee 1.446.654 lidj (2017)^[1]. At hoodsteed faan't prowins as Xai-Xai.

Geografii

Geograafisk Laag

De Süüdelk Kiarkreis gungt troch a maden faan Gaza Prowins.

Lunskap

Laguuunen

Gaza Prowins hee laguunen, wat mä öler prowinsen diald wurd. Tau san det Chuali Laguun an det Uembje Laguun, wat mä Maputo Prowins diald wurd. En öler as det Marrangua Laguun. En letj dial faan a uastaanj faan't laguun wurt mä Inhambane Prowins diald.

Natschunaalparken

At prowins hee tau natschunaalparken: de Banhine Natschunaalpark, wat uun a maden faan't prowins lei and de Limpopo Natschunaalpark, wat uun a waast lei an en grens mä de Kruger Natschunaalpark faan Süüdaafrika dialt. En letj dial faan a nuurd as dial faan't de Zinave Natschunaalpark, wat för't miast uun det Inhambane Prowins leit.

Struumer

De Limpopo Struum leept troch't prowins iin uun det Atlantik nai bi Xai-Xai. De Chagane Struum bildet dial faan't uastgrens an leept iin uun de Limpopo Struum. De Save Struum bildet at grens mä Manica Prowins uun a nuurd.

Steeden

Steeden uun't prowins san: Xai-Xai, Chokwé, Massingir an Chicualacuala.

Indialing faan Ferwalting

Gaza Prowins hee ian steed (Xai-Xai) an tretanj distrikten.

#	Nööm	Grate (km²)^[1]	Lidj (2017)^[1]	Hoodsteed
1	Bilene	2157	150.554	Macia
2	Chibuto	5653	220.980	Chibuto
3	Chicualacuala	11.393	27.456	Chicualacuala
4	Chigubo	14.864	23.247	Dindiza
5	Chókwè	2466	240.244	Chókwè
6	Chongoene	747	121.495	Chongoene
7	Guijá	4207	93.928	Caniçado
8	Limpopo	1119	152.053	Nuvunguene
9	Mabalane	9107	43.883	Mabalane
10	Manjacaze	3797	140.588	Manjacaze
11	Mapai	6682	29.833	Mapai
12	Massagena	7481	21.965	Massangena
13	Massingir	5893	37.300	Massingir

Befölkring

At wiar folksteelingen uun 2017, 2007, 1997 an 1980. Efter't folksteeling faan 2007, wiar 552.249 faan a lidj uun't prowins karmen an 684.035 wüfhööd^[2].

Folksteeling 1980^[3]	Folksteeling 1997^[4]	Folksteeling 2007^[5]	Folksteeling 2017^[1]
990.900	1.116.903	1.236.284	1.446.654

Histoore

Det Gaza Prowins wurd 1946 üüs det Gaza Distrikt grünjlaanjen. Det wiar iar dial faan det Lourenço Marques Distrikt.

Weblinks

Websidj faan't Regiaring faan't Prowins

Kwelen

↑ ^1,0 ^1,1 ^1,2 ^1,3 Mozambique, citypopulation.de
↑ [1]Instituto Nacional Estatística, Indicadores Sócio Demográficos Província de Gaza 2007.
↑ The Statesman's Yearbook 1987-1988, s. 874.
↑ [2]Instituto Nacional Estatística, Indicadores Sócio Demográficos Província de Gaza 2007.
↑ [3]Instituto Nacional Estatística, Indicadores Sócio Demográficos Província de Gaza 2007.

[citypop-1] 1,0 ^1,1 ^1,2 ^1,3 Mozambique, citypopulation.de

[2] [1]Instituto Nacional Estatística, Indicadores Sócio Demográficos Província de Gaza 2007.

[3] The Statesman's Yearbook 1987-1988, s. 874.

[4] [2]Instituto Nacional Estatística, Indicadores Sócio Demográficos Província de Gaza 2007.

[5] [3]Instituto Nacional Estatística, Indicadores Sócio Demográficos Província de Gaza 2007.

[1]

[2]

[3]

[4]

[5]