Cjistiel di Chambord
Il cjistiel di Chambord al è il plui grant dai cjistiei de Val de Loire e un tra i plui cognossûts e visitâts. Al è stât fat sù par volontât dal re Francesc I. I lavôrs, afidâts a Domenico di Cortona e Jules Hardouin Mansart, a son tacâts tal 1519 dongje un comedon dal flum Cosson, afluent dal Beuvron, un dai afluents de Loire. A si cjate tal dipartiment dal Loir-et-Cher, 14 km a nord-est di Blois e a cirche 6 km de roste çampe de Loire.
| Cjistiel di Chambord Château de Chambord | |
|---|---|
| Chambord, Valade de Loire, France | |
 | |
| Architeture | Cjistiel |
| Timp | Rinassiment |
| Lûc | Chambord Pays de la Loire Maine-et-Loire France |
| Coordenadis gjeografichis | 47°36′58″N 01°31′02″E / 47.61611°N 1.51722°E |
| Date | 1519 |
| Propietari | France |
| Costrutôr | Domenico da Cortona Jules Hardouin Mansart |
Il cjistiel al è stât une residence dai rês francês e al è un esempli tra i plui significatîfs di architeture rinassimentâl in France. Tal 1981 al è jentrât inte liste dai sîts patrimoni de umanitât dal UNESCO, dulà al è dentri dal 2000 cun dute la Val de Loire. Dal 1840 il cjistiel al fâs part dai monuments storics de France e tal 2005 al è stât iscrit tal circuit des residencis reâls europeanis.