Johan August Strindberg

Johan August Strindberg (Stocolm, ai 22 di Zenâr dal 1849 – ai 14 di Mai dal 1912) al è stât un scritôr e dramaturc svedês.

Autoritrat fotografic di Strindberg

Pe grandece e pe rilevance de produzion (che e cuvierç in pratiche ducj i gjenars leteraris e e je racuelte in cirche 50 volums, e si zontin 22 di corispondencis), il so non si met a pâr il norvegjês Henrik Ibsen te spice de tradizion leterarie scandinave e al cjape par ricognossiment unanim un puest tra i plui grancj artiscj e leterâts dal mont.

La vite di Strindberg e je stade incuiete, intiessude di esperiencis complessis e sieltis radicâls e contraditoriis, a voltis indreçade tal stes moment a plui dissiplinis nancje simpri leadis ae figure uficialmentri leterarie dal autôr: sculture, piture e fotografie, chimiche, alchimie, teosofie. Sintoms di une roture intime dal propri anim, cu la dimension convenzionâl dal timp e dal vivi, elements che si contaminin un cun chel altri intal at creatîf e fondamentâi pe sô interpretazion.

Al è stât il destinatari di un dai biliets de matetât di Friedrich Nietzsche.