Aletta Jacobs
Aletta Henriëtte Jacobs (9 febrewaris 1854, Sappemeer - 10 augustus 1929, Baarn) wie de earste Nederlânske froulike dokter en feministe.
Jacobs wie fan Joodsk komôf, dochter fan Abraham Jacobs dy't genês-, hiel- en froedmaster wie. Har mem wie Anna de Jongh.
Nei spesjale tastimming fan minister J.R.Thorbecke skreau sy har op 20 april 1871 yn by Ryksuniversiteit Grins oan 'e fakulteit Genêskunde. Har dokterseksamen die se yn 1878 yn Utert en se promovearre op 8 maart 1879 yn Grins.
Aletta Jacobs wie net de earst froulike studinte - dat wie inkele iuwen earder Anna Maria fan Schurman - mar wol de earste dy't mei sukses in universitêre stúdzje ôfmakke. Yn 1877 en 1878 lei sy har dokters eksamen ôf, dêr't sy de earst froulike dokter mei waard, en gong oan 'e slach as dokter yn Amsterdam dêr't sy fergees sprekoere hold, kursussen joech en it pessarium as foarbehoedmiddel yntrodusearre.
Dêrnêst sette Jacobs har yn foar it frouljuskiesrjocht. Sy wie mei oprjochtster fan de Ferieniging foar Frjouljuskiesrjocht yn 1894 en sûnt 1903 lanlik foarsitter. Ek wurke sy mei yn de Wrâldbûn foar Frouljuskiesrjocht, dêr't sy nammebekendheid troch krige oer de hiele wrâld. Sy wie ek lid fan de Frijsinnich Demokratyske Bûn.
Jacobs boaske mei politikus Carel Victor Gerritsen (1850-1905) yn 1884. Sy hienen in frij houlik.
Literatuer
bewurkje seksje- Mineke Bosch, Een onwrikbaar geloof in rechtvaardigheid, Aletta Jacobs 1854-1929, Utjouwerij Balans, 2005.
Keppeling om utens
bewurkje seksje- Webstee oer Aletta Jacobs
- Biografysk Wurdboek fan Nederlân - biografy
- Biografysk Wurdboek fan it Sosjalisme en de Arbeidersbeweging Yn Nederlân (BWSA) - biografy
- Aletta Jacobs, Boechbyld fan feminisme, op amsterdam.nl
- http://www.iiav.nl it argyf fan Aletta Jacobs mei in protte foto's en oar materiaal fan en oer har.
- Boeken fan Aletta Jacobs op Project Gutenberg