Bisdom Haarlim-Amsterdam

It bisdom Haarlim-Amsterdam (Latynsk: Dioecesis Harlemensis-Amstelodamens) is ien fan de sân roomske bisdommen yn de Nederlânske tsjerkeprovinsje.

Bisdom Haarlim-Amsterdam
Basisgegevens
Katedraal	Sint-Bavokatedraal
Patroanhillige	Bavo fan Gint, Nikolaas fan Myra, Willibrord
Hiemside	www.bisdomhaarlem-amsterdam.nl
Skiednis
Oprjochting	1559; 1853
Opheffing	1587
Hierargy
Biskop	Jan Hendriks
Statistyk
Oerflak	2.912 km²
Parochy's	120 (2021)
Tal tsjerken	165 (2021)
Tal katoliken	414.000 (2021)

Skiednis

Earste stifting

Yn it ramt fan in weryndieling fan de tsjerklike hiërargy yn Nederlân stifte paus Paulus IV op oantrunen fan lânfâld Filips II yn 1559 fiif nije bisdommen. It bisdom bestie mar in koart skoftke, want yn 1578 foel Haarlim yn de hannen fan de kalvinisten en de biskop moast de stêd útflechtje. Oant dy tiid hie it bisdom mar twa biskoppen hân:

• Nicolaas fan Nieuwland (1562–1569)
• Godfried fan Mierlo (1571–1587)

Twadde stifting

Yn 1833 waard in apostoalysk ordinariaat yn Haarlim stifte mei as ordinarius Cornelis Ludovicus van Wijckersloot van Schalkwijk (1786–1851). It bisdom Haarlim waard op 5 maart 1853 stifte en de earste biskop wie Franciscus Josefus van Vree.

Op 16 july 1955 waard it bisdom Haarlim opdield. It súdlike diel komt oerien mei de provinsjegrinzen fan Súd-Hollân mei in pear gemeentes fan Utert en is it doe stifte bisdom Rotterdam, wylst de provinsje Noard-Hollân en it súdlike diel fan Flevolân ûnder it bisdom Haarlim falle.

Sûnt 2008 hat it bisdom de namme Haarlim-Amsterdam.

Katedraal

De katedraal fan it bisdom is de katedrale Bavobasilyk yn Haarlim.

Patroanhillige

• Patroanhillige fan it bisdom is Sint-Bavo.

List biskoppen

biskop fan Haarlim (earste ynstelling fan it bisdom)
1559-1569	Nikolaas fan Nieuwland	Yn 1569 beneamd ta helpbiskop fan Utert
1570-1587	Godfryd fan Mierlo	Yn 1587 beneamd ta biskop fan Dimter
apostoalysk administrator fan Haarlim
1833-1851	Cornelius Ludovicus de Wijkerslooth
biskop van Haarlim (twadde ynstelling fan it bisdom)
1853-1861	Franciscus Jacobus van Vree
1861-1877	Gerardus Petrus Wilmer
1877-1883	Petrus Matthias Snickers	Yn 1883 beneamd ta aartsbiskop van aartsbisdom Utert
1883-1903	Caspar Josefus Martinus Bottemanne
1903-1928	Augustinus Callier
1928-1935	Johannes Aengenent
1935-1960	Johannes Petrus Huibers	1958-1960: Joannes van Dodewaard (koadjutor)
1960-1966	Joannes van Dodewaard
1966-1983	Theodorus Zwartkruis	1983: Henricus Bomers (koadjutor) 1983-1995: Joseph Lescrauwaet (helpbiskop)
1983-1998	Henricus Bomers	1995-1998: Jos Punt (helpbiskop)
1998-2001	Jos Punt	diosesaan administrator
2001-2009	Jos Punt	2000-2009: Jan van Burgsteden (helpbiskop)
biskop fan Haarlim-Amsterdam
2009-2020	Jos Punt	2009-2011: Jan van Burgsteden (helpbiskop) 2011 - no: Jan Hendriks (helpbiskop, fan desimber 2018-juny 2020 biskop-koadjutor)
2020-	Jan Hendriks

Keppeling om utens

• Side fan it bisdom

Boarnen, noaten en referinsjes

Boarnen, noaten en/as referinsjes:

Kaski/Radboud Nijmegen: Kearnsifers Roomsk-Katolike Tsjerke (2021) Commons Wikimedia Commons  Ofbylden dy't by dit ûnderwerp hearre, binne te finen yn de kategory Roomsk-Katolike bisdom Haarlim-Amsterdam fan Wikimedia Commons.