De Reidswâl

De Reidswâl is in buorskip yn de gemeente Noardeast-Fryslân. De Reidswâl leit eastlik fan Mitselwier oan de Suderie en de Moarster Feart. De namme komt mooglik fan 'riid', in slinke mei streamend wetter. It part noardlik fan de tille oer de Moarster Feart, oan de Keechsdyk, heart by de himrik fan Moarre; it súdlik part falt ûnder Mitselwier.

Skiednis

De buorskip kaam yn 1680 foar as De Reijdswal, yn 1718 as Riedtswal, yn 1899 as Reidswal en ek Raaswal. Ut dy namme soe opmakke wurde kinne dat de delsetting ûntstie oan in kaaiwâl fan in wetter, in Ryd. De dyk fan de Reidswâl nei Moarre hjit lokaal Kaaisdyk, mar offisjeel Keechsdyk. ^[1]

Justjes westlik fan de brêge, oan de súdlike ouwer fan de Súdie lei de (Pelfinne)burch of Pelfinne, dêr't lykwols fierders neat oer bekend is, dy't neffens it floreenkohier fan 1768 ôf ta de eigners fan Roptastate hearde. Yn Mitselwier is der in strjitte nei neamd, Pelfinne.

Oan de Reidswâl stiet noch in oerbliuwsel fan it eardere bûterfabryk mei de eardere direkteurswente. Dy waard 6 juny 1888 iepene as de Coöperatieve Stoomzuivelfabriek "De Onderneming". De oannimmers Vollmer en Erich út Dokkum wiene de bouwers. Sa'n 23 boeren út Mitselwier en omkriten brochten de molke yn.
Op 9 juny 1927 is it hiele fabrykskompleks iepenbier ferkocht.

Boarnen, noaten en referinsjes

Boarnen, noaten en/as referinsjes:

G. van Berkel & K. Samplonius (2018), Nederlandse plaatsnamen verklaard

↑ Bosatlas fan Fryslân, s.318

53° 21' NB, 6° 5' EL

	Noardeast-Fryslân
Stêd: Dokkum
Doarpen en útbuorrens: Aldwâld • Burdaard • Blije • Boarnwert • Boerum • Brantgum • Ealsum • Eanjum • Easternijtsjerk • Eastrum • Feankleaster • Ferwert • Foudgum • Ginnum • Hallum • Hantum • Hantumerútbuorren • Hantumhuzen • Hegebeintum • Holwert • Ie • Ingwierrum • Jannum • Jislum • Jouswier • Kollum • Kollumersweach • Lichtaard • Lytsewâld • De Lytse Jouwer • Ljussens • Marrum • Mitselwier • Moarre • Moddergat • Muntsjesyl • Nes • Nijewier • Peazens • De Pomp • Raard • Reitsum • De Skâns • Sweagerbosk • Ternaard • De Trieme • Waaksens • Wânswert • Warfstermûne • Westergeast • Wetsens • Wierum
Buorskippen: Ald Terp • Aldwâldmersyl • Bartlehiem (foar in part) • Beintemahûs • Betterwurd • Boarnwerterhoeke • Boarnwerthuzen • Boatebuorren • Bollingwier • Brânbuorren • Bûnte Hûn • De Dellen • Dykshoarne • Dokkumer Nije Silen • Easterbeintum • Farebuorren • Fiifhuzen (Hallum) • Fiifhuzen (Ternaard) • Fiskbuorren • Fjildbuorren • Grut Midhuzen • Hallumerhoeke • Hanenburch • Hantumerhoeke • Healwei • Hústernoard • Iesumasyl • Jewier • Keatlingwier • De Kegen • Kletterbuorren • Kollumer Aldsyl • De Kolk • Krabbuorren • Leechlân • De Leechte • Lyts Midhuzen • Lytse Leard • Lytse Wier • Meddert • Mûnebuorren • Nijlân • It Paradyske • De Reidswâl • De Ryp • Sânbulten • Sânhuzen • Sibrandahûs • De Skâns • Skernehuzen • 't Skoar • Stienharst • It Stienfek • Stiem • Teard • Teyebuorren • Tergrêft (foar in part) • Ter Lune • De Tibben • Tilbuorren • Tiltsjebuorren • Trijeboerehuzen • Weardebuorren • Westerbuorren • Westernijtsjerk • Wie • De Wygeast • De Wurden
· ·

[1] Bosatlas fan Fryslân, s.318

[1]