Folsgeare

Folsgeare

Flagge Wapen
Gemeente	Súdwest-Fryslân
Ynwennertal (2018)	330↓
Webstee

Folsgeare (Nederlânsk: Folsgare) is in doarp yn de gemeente Súdwest-Fryslân, west fan Snits. It doarp hat likernôch 330 ynwenners (2018). Oant 2011 lei Folsgeare yn de eardere gemeente Wymbritseradiel.

Folsgeare

De Laurentiustsjerke, wijd oan Laurentius fan Rome

De muontsen fan it kleaster Thabor by Turns en fan it Aldekleaster (Kleaster Blomkamp) by Hartwert hawwe om it jier 1000 hinne holpen by it oanlizzen fan diken yn de âlde Middelsee. De Tsjaarddyk is justjes nei 1100 oanlein om it krekt op de Middelsee wûne lân om de doarpen Nijlân en Folsgare foar oerstreamings te behoedzjen. Op de krusing fan de Tsjaarddyk, Jongedyk en de Mieddyk is de buorren fan Folsgeare ûntstien.

Tsjerke

De herfoarme tsjerke út 1875 mei sealdaktoer 1534 binne yn 1961-1962 restaurearre.

Mienskip

It doarp hat in feriening foar Doarpsbelang. Yn 1988 waard tichtby it sportfjild in nij doarpshûs iepene, Yn 'e Lijte. It hat in beweechber poadium, klaaikeamers foar de bûtensport, in feestseal en in romte foar gearkomsten.

Ferienings

• Foar de Wyn - toaniel
• Folsgearster Folk - koar foar shanty en folkmyzyk

Tsjerke

• Laurentiustsjerke

Befolking

• 1954 - 210
• 1959 - 177
• 1964 - 182
• 1969 - 188
• 1973 - 208
• 2006 - 348

Underwiis

It doarp hie oant en mei it skoaljier 2017-2018 in basisskoalle, De Gearrin. De skoalle wie yn 2015 al fusearre mei de skoallen fan Easthim en Abbega, mar dat wie net foldwaande om genôch learlingen te behâlden. De skoalle fusearre dêrom mei dy fan Nijlân en de skoalle yn Folsgeare waard sletten.

Wapen fan Folsgeare

It doarp mei omkriten binne yn it doarpswapen werom te finen: it blau en de gouden leelje komme fan it gemeentewapen en de eardere Middelsee by it doarp, yn de hoeke leit de "Tsjaarddyk". De keper ferwiist nei dizze dykshoeke. Op dizze keper stiet in ruster wêrop Sint Laurentius, de beskermhillige fan de eartiidse doarpstsjerke, dy't hjirop martele wêze soe.

Bekende Folsgearsters

• Meinte Abma (1930), boargemaster fan efterelkoar Hinnaarderadiel, Drylts, Wûnseradiel, Ljouwerteradiel en Skiermûntseach
• Fryske dichter Gerben Willem Abma (pseud. Daniël Daen) is yn 1942 berne yn Folsgeare, ek syn broer Gerben Abma (1932) is dêr berne
• Wout Zijlstra, hie as sterkste man fan Fryslân de bynamme de ‘Flits fan Folsgeare’

Strjitten

Easthimmerwei, Ekers-Ein, Folsgearsterleane, Garastrjitte, It Werp, Skeender, Tsjaarddyk, Wallemadyk.

Sjoch ek

• Fryske doarpen.

Boarnen, noaten en referinsjes

Boarnen, noaten en/as referinsjes:

Oer "Folsgearster Folk" Oer it doarpswapen Tsjerke fan Folsgeare T.E. van Popta - "Kerk en Toren van Folsgare door de eeuwen heen" (1984) Brouwer, J.H., en oaren (red.), Encyclopedie van Friesland, Amsterdam: Elsevier 1958, Folsgare.