Idzegea

Idzegea is in doarp yn 'e gemeente Súdwest-Fryslân tusken Aldegea en de Gaastmar. It doarp 30 (1 jannewaris 2023) ynwenners.

Idzegea
Bestjoer
provinsje	Fryslân
gemeente	Súdwest-Fryslân
Sifers
Ynwennertal	30 (1 jannewaris 2023)
Oar
Tiidsône	UTC +1
Simmertiid	UTC +2
Koördinaten	52° 58' NB, 5° 32' EL
Kaart
Kaart
Himrik fan Idzegea (grien) yn 'e eardere gemeente Wymbrits.

Skiednis

Tsjerke fan Idzegea yn Atlas Schoemaker: Friesland, 1710-1735.

Idzegea ûntstie yn 'e midsiuwen en waard Ed(d)eswald op 'e listen út 1132, 1243 en 1245 mei kapellen en tsjerken fan it Odulfuskleaster neamd. De tsjerke wie oan Sint-Mauritius of Sint-Martinus wijd. Grut wie Idzegea net en op 1716 stiene op 'e kaart yn 'e atlas fan Schotanusatlas allinne de tsjerke en twa hûzen by it Tsjerkehop en dêrbûten noch twa pleatsen en twa hûzen. De tsjerke bestiet net mear, mar it tsjerkhôf oan 'e Klokhúsdyk is er noch en op in grêfhichte dêr stiet in klokkestoel mei sealtek en waarhoanne.

Oan it fytspaad om 'e Aldegeaster Brekken leit it archeologysk monumint "Joadsk tsjerkhôf". Dêr lizze lykwols gjin joaden begroeven, mar nei alle gedachten swalkers út it tiidrek fan 1463 oant de reformaasje yn 1580, doe't it nonnekleaster Nazareth dêr stie. Omrinnend folk waard eartiids oantsjutten as 'joaden'.

Tusken 1881 en 1929 stie oan 'e Feandyk de stellingmole Op Hoop fan Zegen. Oarspronklik wie dat in poldermole út 1670, dy't mei oare mûnen de Wassenaarsepolder by Leimuiden droegmakke. Doe 't yn 1880 in gemaal dat wurk oernaam, kocht Hantje Tjeerds van der Meer de mole oan en boude dy as in stelling-, wetter- en nôtmole wer op yn Idzegea.

Oant 2011 lei Idzegea yn de eardere gemeente Wymbritseradiel.

Mienskip

Idzegea is mei Sânfurd sterk op it tichtby lizzende Aldegea oriïntearre.

Tsjerke

• PKN Aldegea en omkriten

Skoalle

• Kristlike basisskoalle Klaver Fjouwer (Aldegea)
• Pjutteboartersplak De Joopykjes (Aldegea)

Ferienings (mei Aldegea en Sânfurd)

Damklub Nocht en Kriich Folksdûnsferiening De Heechspringers Follybalferiening FLO Fuotbalferiening Aldegea Fûgelwacht Aldegea e.o. Gymnastykferiening 'Meer bewegen voor ouderen IIsklub de Brekken Keatsferiening 't Napke

Kristlike Muzykferiening Eendracht Maakt Macht Kulturele Kommisje Aldegea SWF Oranjeferiening Aldegea SWF Toanielferiening Sin en Wille Sloeproeiferiening De Aldegeaster Skomskowers Tafeltennisferiening ODI Stifting Sânfurd

De ynformaasje oer de ferienings is ôfkomstich fan 'e hiemside fan it doarpsbelang fan Aldegea; sjoch foar de meast aktuele gegevens op: www.oudega-swf.nl

Befolkingsferrin

Jier	1840	1954	1959	1964	1969	1973	2006	2015	2020
Ynwenners	149	228	188	164	144	27*	30	21	26

(*) Nei grinswiziging mei Heech.
Boarnen: 1840: Plaatsengids; 2015, 2020: Alle Cijfers

Berne

• Taeke Cnossen (1896-1988), sjoernalist.
• Pé Miedema (1942-2016), bestjoerder.

Publikaasje(2)

• Johannes Walinga - Tussen Brek en Skuttel (Aldegea-Idzegea en Sânfurden) I + II

Ferskaat

• Op it begraafplak mei klokkestoel leit Jan Tjittes Piebenga begroeven.
• Idzegea leit yn 'e Skriezekrite Idzegea, ien fan 'e bêste greidefûgelgebieten yn Fryslân. Op likernôch 1.750 ha briede alle jierren likernôch 350 skriezepearkes. Yn 2006 wûn it gebiet de Sulveren Skries.
• Idzegea leit oan 'e Idzegeaster Poel, in poel dy't net folle betsjutting hat foar de wettersport omdat it hast gjin ferbining hat mei oare wetters. Der is wol in camping by.
• Tusken de Tsjerkesleat en it Ringwiel leit in kanorûte.

Strjitten

Feandyk, Klokhúsdyk, Tsjerkewei.

Sjoch ek

• Fryske doarpen

Boarnen, noaten en referinsjes

Boarnen, noaten en/as referinsjes:

Gemeentlike webstee oer Idzegea Commons Wikimedia Commons  Ofbylden dy't by dit ûnderwerp hearre, binne te finen yn de kategory Idzegea fan Wikimedia Commons.