Pommern (Rynlân-Palts)

Pommern is in Ortsgemeinde yn de lânkring Cochem-Zell yn de Dútske dielsteat Rynlân-Palts. Pommern heart by de ferbânsgemeente Cochem en leit oan de lofter kant fan de Mûzel.

Pommern
Argeologysk Park Martberg
Emblemen
Bestjoer
Lân	Dútslân
dielsteat	Rynlân-Palts
lânkring	Cochem-Zell
Sifers
Ynwennertal	398 (2021)
Oerflak	5,64 km²
Befolkingsticht.	71 ynw./km²
Hichte	85 m
Oar
Tiidsône	UTC +1
Simmertiid	UTC +2
Koördinaten	50° 05'N 7° 09'E
Offisjele webside
www.pommern-mosel.de
Kaart

Skiednis

Pommern heart ta de âldste wyndoarpen oan de Mûzel. De earste spoaren fan bewenning op de Martberg by it tsjintwurdige Pommern geane werom op de 4e en 1e iuw f. Kr. Om 500 f. Kr. sette in Keltyske stamme him op de berch nei wenjen. De Romeinen brochten de wynbou en joegen it wyndoarp syn namme: Pomaria (de fruchtetún). Yn de romeinske tiid waard oer de âlde keltyske delsetting in romeinsk timpelkompleks boud. Op de fûneminten fan de âlde gebouwen steane hjoeddedei de rekonstruearre gebouwen, dy't besykje in foarstelling te jaan oer it libben en it leauwe fan de Kelten en de Romeinen.

It plak waard foar it earst as Ponieries villa yn it jier 936 yn in dokumint fan Otto I neamd. De abdij Himmerod wie sûnt 1264 de grutste grûnbesitter yn Pommern. Yn de Frânske tiid waard yn 1802 de abdij Himmerod opheft.

It besjen wurdich

Hillich Hûske by Pommern

• Argeologysk Park Martberg;
• Sint-Stefanustsjerke;
• De saneamde Stockturm, in aartsbiskoplike stins út it jier 1414.

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: Literatur en Einzelnachweise, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Pommern (Mûzel) fan Wikimedia Commons.