Wikipedy

Skoatterlân

Skoatterlân (Nederlânsk en offisjeel: Schoterland) wie in eardere gritenij en gemeente yn it súd-easten fan Fryslân by de Tsjonger lâns, mei in gebiet fan 152,50 km² en ûnderdiel fan de Sânwâlden. Op 31 desimber 1930 hie Skoatterlân 17.379 ynwenners.[1]

Skoatterlân

De Drie Pilaren (rj.) yn Aldskoat: it âlde gritenijhûs fan Skoatterlân.
flagge wapen
lokaasje
polityk
lân Nederlân
provinsje Fryslân
sifers en geografy
haadplak Aldskoat
grutste plak It Hearrenfean
ynwennertal 17.379 (1930)
befolkingstichtens 113,9 / km²
oerflak 152,50 km²
tal doarpen 19
skiednis
oprjochte 1851
oant 1851 Gritenij Skoatterlân
opheft 1934
opgien yn It Hearrenfean
Haskerlân
Lemsterlân
no part fan It Hearrenfean
De Fryske Marren
oar
tiidsône UTC +1
simmertiid UTC +2

Skiednis

bewurkje seksje

Skoatterlân ûntstie yn 'e 14e iuw en hiet eartiids Skoatterwerf. Fan 1550 oant 1581 wie Skoatterlân opdield yn tertieren (ek tuych); in eastertertier, in middeltertier en in westertertier. De warkeamer (of de werf) foar it rjocht wie yn "De Drie Pilaren” yn Aldskoat en fan 1828 wie Oenemastate it gritenij- / gemeentehûs. De gritenij Skoattelân waard yn 1851 in gemeente nei de ynfiering yn Nederlân fan de gemeentewet fan Thorbecke.

By de gemeentlike weryndieling fan 1934 is it grutste part fan Skoatterlân in part wurden fan de nije gemeente it Hearrenfean. Reden hjirta wie dat it Hearrenfean op de grins fan Aenjewier en Skoatterlân lei. In part yn it súdwesten mei Dolsterhuzen, Reahel, Rotsterhaule, Rottum, Sint-Jânsgea en Rotstergaast waard tafoege oan Haskerlân. Skoatter Uterdiken en Skoattersyl waard tafoege oan Lemsterlân.

Plakken

bewurkje seksje

It haadplak wie Aldskoat, en de oare doarpen yn de gemeente wiene: Aldhoarne, Bontebok, Dolsterhuzen, It Hearrenfean (foar it oergrutte part), Hoarnstersweach, Jobbegea, Ketlik, De Knipe (oarspronklik ferdield yn Under-Knipe en Boppe-Knipe), Nijhoarne, Nijskoat, Mildaam, It Oranjewâld, Reahel, Rotstergaast, Rotsterhaule, Rottum, Sint-Jânsgea en Skoatter Uterdiken.

Fierders leine yn 'e gemeente de buorskippen Annebuorren, Brongergea, Fjouwerhûs, Jobbegea-Skuorregea, It Mar, Sânbuert, Sechtjinroeden, Skoattersyl, Unlân en Westergaast.

Sjoch ek

bewurkje seksje

Boarnen, noaten en referinsjes

bewurkje seksje
Boarnen, noaten en/as referinsjes:
  1. ↑ Bevolking der Gemeenten van Nederland op 31 December 1930, Volgens de Definitieve Uitkomsten der Elfde Algemeene Volkstelling, De Haach, 1931.
             Provinsje Fryslân		  
hjoeddeistige gemeenten
Achtkarspelen • It Amelân • Dantumadiel • Eaststellingwerf • Flylân • De Fryske Marren • Harns • It Hearrenfean • Ljouwert • Noardeast-Fryslân • Opsterlân • Skiermûntseach • Skylge • Smellingerlân • Súdwest-Fryslân • Tytsjerksteradiel • De Waadhoeke • Weststellingwerf
eardere gemeenten
Aenjewier (1851–1934) • Baarderadiel (1851–1984) • Barradiel (1851–1984) • It Bilt (1851–2018) • Boalsert (1455–2011) • Boarnsterhim (1984–2014) • Doanjewerstâl (1851–1984) • Dokkum (1298–1984) • Dongeradiel (1984–2019) • Drylts (1268–1984) • East-Dongeradiel (1851–1984) • Ferwerderadiel (1851–2019) • Frjentsjer (1374–1984) • (âld) Frjentsjerteradiel (1851–1984) • (nij) Frjentsjerteradiel (1984–2018) • Gaasterlân (1851–1984) • Gaasterlân-Sleat (1984–2014) • Haskerlân (1851–1984) • Hylpen (1372–1984) • Himmelumer Aldefurd (1851–1984) • Hinnaarderadiel (1851–1984) • Idaerderadiel (1851–1984) • Kollumerlân (1851–2019) • Lemsterlân (1851–2014) • Littenseradiel (1984–2018) • Ljouwerteradiel (1851–2018) • Menameradiel (1851–2018) • Nijefurd (1984–2011) • Raerderhim (1851–1984) • Skarsterlân (1984–2014) • Skoatterlân (1851–1934) • Sleat (1426–1984) • Snits (1292–2011) • Starum (1061–1984) • Utingeradiel (1851–1984) • Warkum (1399–1984) • West-Dongeradiel (1851–1984) • (âld) Wymbritseradiel (1851–1984) • (nij) Wymbritseradiel (1984–2011) • Wûnseradiel (1851–1984)
  ·   ·  
Opfrege fan "https://fy.wikipedia.org/w/index.php?title=Skoatterlân&oldid=963292"
  NODES