Artjom Mikojan

Artjom Ivanovitsj Mikojan (Armeensk: Արտյոմ Հովհաննեսի Միկոյան Artjom Hovhannesi Mikojan of Անուշավան Հովհաննեսի Միկոյան Anoesjavan Hovhannesi Mikojan; Russysk: Артём Ива́нович Микоя́н) (Sanahin, 5 augustus (âlde kalinder: 23 july) 1905 - Moskou, 9 desimber 1970) wie in yn Armeenje berne fleanmasineûntwerper fan gefjochtsfleantugen yn de eardere Sowjet-Uny.

MiG

It fan Artjom Mikojan en Michail Goerevitsj oprjochte ûntwerpburo, doetiids "Mikojan-Goerevitsj", ûntwurp jachtfleantugen. Meast wurdt de ôfkoarting MiG foar dy fleantugen brûkt, fan it Russyske "Микоян и Гуревич" ("Mikojan en Goerevitsj"). It bedriuw waard nei de dea fan Mikojan yn 1970 omneamd ta "Mikojan" en is no mei Iljoesjin, Irkoet, Soechoj, Tupolev en Jakovlev diel fan in nij bedriuw, Feriene Fleantúchboukorporaasje.

De fan "Mikojan-Goerevitsj" ûnwurpen gefjochtsfleantugen waarden brûkt troch de Sowjet-Uny en de lannen fan it Warsjaupakt, mar ek troch ûnder oaren Sina, Yndia, Noard-Korea, Noard-Fjetnam, Egypte en Syrië. Sy hawwe yn ferskate wapene konflikten, lykas de Koreaanske Oarloch en de Fjetnamoarloch, in wichtige rol spile.

Underskiedingen en prizen

Artjom Mikojan waard faak dekorearre. Under oaren:

Twaris de titel Held fan de Sosjalistyske Arbeid (Sovjet-Uny)
Seis kear de Leninoarder
De Oarder fan de Reade Banier
De Oarder fan de Patriottyske Oarloch Ie Klasse (in djoere gouden stjer)
Twaris de Oarder fan de Reade Stjer
Laureaat fan de eksklusive Leninpriis (1962)
Seis kear de Stalinpriis (1941, 1947, 1948, 1949, 1952, 1953)

Ofbylden dy't by dit ûnderwerp hearre, binne te finen yn de kategory Artjom Mikojan fan Wikimedia Commons.