Praia

Praia is de haadstêd fan Kaapverdje, in ûnôfhinklike eilannekloft yn de Atlantyske Oseaan en leit op it eilân Santiago (Portugeesk: São Tiago). It is de wichtichste en grutte stêd fan it lân en wenje ûngefear 62.000 minsken.

Praia
Praia fanút de loft besjoen
Bestjoer
Lân	Kaapverdje
Sifers
Ynwennertal	130.271 (2010)
Hichte	0 m.
Oar
Stifting	1516
Tiidsône	UTC -1
Koördinaten	14° 55' NB, 23° 31' WL

Kaapverdje, dat oant 1975 in Portugeeske koloanje wie, leit foar de kust fan West-Afrika besuden de Kanaryske Eilannen.

Skiednis

Praia is foar skippen op wei nei it Heine Easten of Brazylje it bêste plak om foar anker te gean. Dat wie al sûnt de 15e iuw yn Jeropa bekend. Yn 1516 ûntstie der in delsetting dy't stadich útwreide ta in stêd en sûnt 1770 it haadplak fan it eilân waard.

Neffens de Mechelske reizger Jean Francois Michel, dy't yn 1752 de stêd en it eilân wiidweidich beskreau, is de boaiem dêr sânnerich, wylst de rest fan it eilân út slib bestiet.

Nijsgjirrichheden

Monuminten yn de stêd binne Albuquerque Square, it âlde stedhûs, it Presidinsjeel Paleis, dat boud waard op de ein fan de 19e iuw om de Portugeeske gûverneur te hûsfêstigjen, it Museu Etnográfico (etnografysk museum) en it Monumento de Diogo Gomes, neamd nei de Portugeeske seefarder dy't it eilân Santiago yn 1460 ûntdekte.

Berne

• Gelson Fernandes (2 septeiber 1986), fuotballer
• Nani (17 Novimber 1986), fuotballer

Ofbylden dy't by dit ûnderwerp hearre, binne te finen yn de kategory Praia fan Wikimedia Commons.