Suella Braverman
Polaiteoir de chuid an Pháirtí Choimeádaigh sa Ríocht Aontaithe is ea Sue-Ellen Cassiana "Suella" Braverman, atá i bhfad amach ar an eite dheis agus is ball í den European Research Group. Rugadh í Sue-Ellen Cassiana Fernandes sa London Borough of Harrow ar an 3 Aibreán 1980.
Gairm
cuir in eagarCeapadh í mar Ard-Aighne Shasana agus na Breataine Bige ar an 13 Feabhra 2020 agus d'fhan sí sa phost sin go dtí Meán Fómhair 2022.
Ceapadh Braverman mar Rúnaí Gnóthaí Baile na Breataine i mí Mheán Fómhair 2022. D'éirigh sí as a post ar 19 Deireadh Fómhair 2022, tar éis di cáipéis oifigiúil a sheoladh óna cuntas pearsanta ríomhphoist seachas ó chuntas rialtais.[1]
Thug Suella Braverman í féin le fios i litir a sheol sí chuig Príomh-Aire na Breataine Liz Truss. Dúirt sí sa litir gur botún a bhí ann, mar sin féin, an cháipéis a sheoladh óna cuntas pearsanta agus dúirt go raibh freagracht as an mbotún sin á glacadh aici. Mhaígh sí go raibh sí an-imníoch faoi chomh tiomanta agus atá Rialtas na Breataine na gealltanais a rinne siad san olltoghchán deireanach a chomhlíonadh. Ceist na n-imirceach is mó a bhí ar intinn aici sa mhéid seo, agus í ag iarraidh lucht iarrtha tearmainn a sheoladh chuig Ruanda.
Mhaígh sí "nach féidir linn ligean orainn féin nach ndearnamar botúin agus leanúint orainn ar nós go bhfuil daoine eile dall ar na botúin sin."
Bhí Grant Shapps ceaptha ina Rúnaí Gnóthaí Baile mar chomharba.[1]
Creid nó ná creid, ceapadh Braverman arís mar Rúnaí Gnóthaí Baile na Breataine ar 25 Deireadh Fómhair 2022. Thug Rishi Sunak bata agus bóthar dí ar 12 Samhain 2023, an dara uair in imeacht 13 mhí a briseadh Braverman as an bpost céanna.[2]
Cúpla lá roimhe sin, d'fhoilsigh sí alt conspóideach ag cáineadh na bpóilíní as bheith claonta faoi agóidí áirithe agus gan an t-alt bheith faofa roimhré ag oifig an Phríomh-Aire. Cuireadh ina leith gur eagraíodh an agóid mhór den eite dheis ag an deireadh seachtaine de bharr an ailt úd.[2]
Féach freisin
cuir in eagarTagairtí
cuir in eagar- ↑ 1.0 1.1 Nuacht RTÉ (2022-10-19). "Rúnaí Gnóthaí Baile na Breataine éirithe as oifig" (as ga-IE).
- ↑ 2.0 2.1 Nuacht RTÉ (2023-11-13). "Bata agus bóthar do Braverman, Cameron ar ais ag bord an rialtais" (as ga).