Cuenca

Cuenca


Bratach a' bhaile	Gearradh-arm no Seula

Suidheachadh

Dùthaich

An Spàinn

Ceàrn

Cuenca

Sgìre

Castilla-La Mancha

Co-chomharran

40° 04' 18' Tuath
02° 08' 06' Ear

Feartan fiosaigeach

Farsaingeachd

61.18 km²

Àireamh-shluaigh

55,428 (2009)

Dlùths

905.98/km²

Àireamh fòn

+ 34 969

Duilleag oifigeil

Duilleag Oifigeil

’S e baile mòr faisg air Teruel ann an cridhe na Spàinne a th’ ann an Cuenca (IPA: kweŋka). Tha e suidhichte aig 946m os cionn ìre na mara,^[1] 161km air falbh bho Mhadrid, prìomh-bhaile na Spàinne, agus 660km bho Bharcelona.^[2] Tha 55,428 duine a’ fuireach ann an Cuenca.^[3] 'S ann ainmeil air feadh an t-saoghail a tha e air sàilleabh na Taighean Crochte (Spàinntisː casas colgadas) a tha nan seasamh os cionn a' bhaile. A bharrachd air sin, ‘s e prìomh-bhaile na Roinne Cuenca a th’ann cuideachd.

Freumhan an ainm

Tha e coltach gur ann à قونكة (Qūnkatu) ^[4] ann an Arabais a tha an t-ainm, air sàilleabh gu robh dùn os cionn a'bhaile fhèin, nuair a bha an sgìre fo bhuaidh nan Arabach.Tha fuaimneachadh an ainm air atharrachadh fad nan linntean, a' call an ق (qaf) agus an t-iar-leasachan -tu, a' toirt dhuinn Conca ann an Catalanais agus Cuenca Spàinntis. Tha an fhuaimreag o air atharrachadh dhan dhà-fhoghair ue (/ɔ/ gu /wo/), rud a tha a' tachairt daonnan sa chànan sin.^[5]

Eachdraidh

Thathar dhen bheachd gun do ràinig na daoine dhan àite seo o chionn 90,000 bliadhna. B' e na Ceilt-ibearaich a bh' ann mus tug na Ròmaich seilbh air an Spàinn air fadː chandah Lobetum ris aig an àm.^[6] Mar a b’àbhaist san Spàinn, chuireadh ainm a’ bhaile air an roinn nuair a chaidh a stèidheachadh ann an 1833.^[7] Cha do thuit am baile dha na reubaltaich Faisisteach ach aig deireadh Cogadh Sìobhalta na Spàinne air 29 am Màrt 1939, trì latha mus do bhuannaich Francisco Franco.^[8]

Cruinn-eòlas

A rèir figearan an Riaghlatais, 's e an t-Iuchar a' mhìos as teotha agus 's e am Faoilleach a' mhìos as fhuaire ann an Cuenca.^[9] Cha tuit ach 476mm de dh'uisge air a' bhaile fad na bliadhna - 794mm nas lugha na Steòrnabhagh - leis gur e àite uabhasach tioram a th' ann:

Bailtean Co-cheangailte

Iomraidhean

↑ Aemet
↑ Distance Calculator
↑ Cunntas-sluaigh na Spàinne
↑ Herráiz Gascueña M.G., Ruta de las Rondas, 7 paseos por Cuenca, Ayuntamiento de Cuenca, 2008.
↑ Boletín de Filología
↑ Cuevas, Pedro José (2000). «Pobladores». Cuenca. Cuenca: Alfonsípolis
↑ Ethnoterritorial Concurrence and Imperfect Federalism in Spain
↑ Cerdán de Landa J., La Guerra en Cuencaː Crónica Urgente de la Guerra Civil en 1936, Llanura, 2011, ISBN 9788495685346
↑ Climate Data

Ceanglaichean A-mach

[1] Aemet

[2] Distance Calculator

[3] Cunntas-sluaigh na Spàinne

[4] Herráiz Gascueña M.G., Ruta de las Rondas, 7 paseos por Cuenca, Ayuntamiento de Cuenca, 2008.

[5] Boletín de Filología

[6] Cuevas, Pedro José (2000). «Pobladores». Cuenca. Cuenca: Alfonsípolis

[7] Ethnoterritorial Concurrence and Imperfect Federalism in Spain

[8] Cerdán de Landa J., La Guerra en Cuencaː Crónica Urgente de la Guerra Civil en 1936, Llanura, 2011, ISBN 9788495685346

[9] Climate Data

[1]

[2]

[3]

[4]

[5]

[6]

[7]

[8]

[9]