Barcelona (provincia)
Barcelona
| |||||
| |||||
| |||||
| Suidheachadh | |||||
| Dùthaich | An Spàinn | ||||
| Prìomh-bhaile | Barcelona | ||||
| Stèidhichte | 1833 | ||||
| Feartan fiosaigeach | |||||
| Farsaingeachd | 7,728 km² | ||||
| Àireamh-shluaigh | 5,529,099 (2014) | ||||
| Dlùths | 715.46/km² | ||||
| Àireamh fòn | + (93) | ||||
| Duilleag oifigeil | Riaghaltas na Roinne | ||||
'S e provincia na Spàinne a tha ann am Barcelona (IPA: bəɾsəˈɫonə). Tha e na laighe ann an Catalòinia, air an àirde an ear-thuath na dùthcha. 'S e Barcelona a tha na phrìomh-bhaile. Chaidh an roinn a chruthachadh ann an 1833 le Javier de Burgos, a bha an Rùnaire na Stàite agus Leasachaidh aig an àm.[1] B'e an siostam-riaghalaidh iondail na Frainge a chleachd e mar mhodal. Chuireadh a-steach na Coimhearsnachd fèin-riaghlaidh Chatalòinia i ann an 1978, nuair a sgrìobhadh Bun-reachd ùr.[2] Sìnidh Girona fad 7,728km²[3] agus tha 5,529,099 duine a' fuireach ann.[4] Le sin, 's e an 40mh roinn as motha na Spàinne a thaobh talmhainn agus an dàrna tè a thaobh àireamh-sluaigh. Tha crìochain aice le Girona, Lleida agus Tarragona.[5] 'S e Catalanais agus Spàinntis a tha gam bruidhinn an seo.
Freumhan an ainm
deasaichTha luchd-rannsachaidh dhen bheachd gur ann às an ainm 
(Barkeno) ann an Ibearais no Foìnis a th' ann.[6] Bha baile fo bhuaidh nan Ròmanach an seo air an robh Colonia Faventia Julia Augusta Pia Barcino ann an Laideann (Βαρκινών ann an Greugais). Bha teòiridh eile ann a chanadh gur robh an t-ainm ceangailte ri Hamilcar Barca, athair Hannibal, ach chan eile mòran dhaoine a' gabhail ri seo an latha an-diugh.[7] Fad nan linntean dh'atharrachadh fuaimeanachadh an ainm mar a leanas: Barcilonum → Barceno → Barchelona → Barçalona → Barcelona. Mar a b’àbhaist san Spàinn, b’ e dìreach ainm a’ bhaile a bu motha sa sgìre a chuireadh air an roinn.
Cruinn-eòlas
deasaichTha iadhtag ann, a bhuineas do Bharcelona, air an àirde an iar-dheas na roinne a-muigh Lleida. 'S e Valielles de Busa an t-ainm a tha air.[8] 'S e adhbharan laghail agus poileataigeach a tha as coireach gu bheil e na àite fa leth.