Ibiza

'S e eilean Spàinnteach agus aon de na h-Eileanan Balèarach a tha ann an Ibiza (IPA: [iˈβ̞iθa] Spàinntis; Catalanais Eivissa IPA: [əiˈvisə] neo [əiˈβisə]).

Ibiza (an t-eilean mòr) agus Formentera

Beòthalachd-oidhche ann an Sant Antoni

Tha Ibiza suidhichte anns a’ Mhuir Mheadhanaich mu 80 cilemeatair air falbh bho oithir na Spàinne. Tha e cho farsaing ri 571.04 cilemeatair ceàrnagach. Anns a’ bhliadhna 2006 bha 113,908 de shluagh ann le dluths aig àireamh 199.5 duine gach km².

Tha Ciutat d’Eivissa (Baile Eivissa) na phrìomh-bhaile agus am baile as motha. Tha Santa Eulària des Riu agus Sant Antoni de Portmany nam bailtean mòra eile.

'S e Atalaya a’ bheinn as àirde ann an Ibiza, tha i 476 meatair a dh’àrd.

Tha Ibiza aimeil airson pàirtidhean is beòthalachd-oidhche. Canar gur e am “Privilege” faisg air San Rafael, an “Night club” as motha air feadh an t-Saghail. Air an làimh eile tha cuid as motha an eilein dìonta leis an UNESCO mar dualchas na cruinne.

Sgìrean

Sgìrean ann an Ibiza; dearg: Baile Ibiza

Tha còig sgìrean ann an Ibiza. Seo iad (deiseal bhon àird a deas):

• Sant Josep de sa Talaia
• Sant Antoni de Portmany
• Sant Joan de Labritja
• Santa Eulària des Riu
• Baile Ibiza (Eivissa/Vila)