Kalmar

Kalmar Gearradh-arm no Seula
Suidheachadh
Dùthaich	An t-Suain
Ceàrn	Småland
Sgìre	Kalmar län
Co-chomharran	56° 39 47′ Tuath 16° 21 47′ Ear
Feartan fiosaigeach
Farsaingeachd	19.50 km²
Àireamh-shluaigh	36,392 (2015)
Dlùths	1,866.26/km²
Àireamh fòn	(+46) 0480
Duilleag oifigeil	http://www.kalmar.se/

'S e baile meadhanach agus port na Suaine a th' ann an Kalmar (IPA: kalːmar). Tha e suidhichte air an àirde an ear-dheas na dùthcha ri taobh na Mara Bhaltaich agus an Kalmarsund, eadar Karlskrona agus Norrköping, anns an sgìre Kalmar län, 313km air falbh bho Stockholm, prìomh-bhaile na dùthcha, 363km bho Uppsala agus 289km bho Ghöteborg. Tha campas Oilthigh Linnaeus stèidhichte an seo cuideachd. Tha 36,392 duine a' fuireach ann.

Freumhan an ainm

Ged nach eil freumh-fhaclachd an ainm seo cho soilleir tha e coltach gur ann à kalmarnir (Gàidhlig: càrn) ann an Lochlannais a tha an t-ainm.

Eachdraidh

Ged a bha daoine a' fuireach san àite seo fiù' s ann an Aois nan Clach, cha b' ann ach sna meadhan aoisean a chaidh baile a thogail an seo, leis gur e port beag ann an àite freagarrach do mhalairt a bh' ann. Bhuineadh Kalmar dhan Lìog Hansa. Chaidh caisteal a thogail san 13mh Linn, leis gu robh am baile faisg air na crìochan leis an Danmhairg - bha Skåne agus Blekinge nan sgìrean Danmhairgeach gu ruige 1658. Chaidh Aonadh Nirribhidh agus an t-Suain a sgrìobhadh an seo ann an 1397, a mhair gu ruige 1523. Bha am baile seo ainmeil air feadh an t-saoghail air sàilleabh gu do thog Volvo taigh-gnìomhachais gu math probhail an seo ann an 1973, far an robh na sgiobaidhean-obrach fhèin a bha an urra ris an cuid obrach a phlanadh. Chaidh am factaraidh a dhùnadh ann an 1993.

Daoine ainmeil

• Amanda Ooms (1964). Actair

Bailtean co-cheangailte

• Selfoss
• Arendal
• Entebbe
• Gdańsk
• Kaliningrad
• Panevėžys
• Savonlinna
• Wilmington, Delaware
• Wismar

Ceanglaichean a-mach

• Riaghaltas na Sgìre