Robert Stevenson
B' e innleadair a bh' ann an Robert Stevenson (Glaschu, 8 an t-Ògmhios 1772 — Dùn Èideann, 12 an t-Iuchar 1850), a tha ainmeil air sgàth nan taighean-solais a thog e.
| Robert Stevenson | |
|---|---|
 | |
| Beatha | |
| Breith | Glaschu, 8 dhen Ògmhios 1772 |
| Dùthaich |
 Alba |
| Bàs | Dùn Èideann, 12 dhen Iuchar 1850 |
| Àite-adhlacaidh |
Old Calton Cemetery (en)  |
| Teaghlach | |
| Athair | Alan Stevenson |
| Màthair | Jean Lillie |
| Cèile |
Jane Smith (en) |
| Clann |
liosta
|
| Foghlam | |
| Foghlam |
Oilthigh Dhùn Èideann Oilthigh Shrath Chluaidh |
| Cànain | Beurla |
| Dreuchd | |
| Dreuchd | einnseanair, einnseanair-thogalach agus innleachdair |
| Obraichean comharraichte | Taigh-solais Bell Rock |
| Duaisean a fhuaras | |
| Ballrachd | Comann Rìoghail Dhùn Èideann |
Rugadh Robert Stevenson 8 an t-Ògmhios 1772 ann an Glaschu. Nuair a bha e dà bhliadhna a dh'aois chaochail athair agus dh'imrich a mhàthair a Dhùn Èideann far an deach Robert don sgoil. Ann an 1787 phòs a mhàthair a-rithist le Thomas Smith. Bha factaraidh obair-iarainn aige. Rinn e cuideachd lampaichean ùra le dealradairean aig an robh solas na bu shoilleire. Anns an àm seo cha robh na taighean-solais ach tùir le teine air a' mhullach no solas fann bho choinnlean. Bha na taobhan-mara glè chunnartach agus chaidh mòran bhàtaichean fodha. Thòisich Thomas Smith air taighean-solais a thogail leis na lampaichean ùra. Chaidh Robert don oilthigh ann an Glaschu agus an uair sin chaidh e ag obair leis a h-oide. Thog iad còmhla cuid taighean-solais air feadh na dùthcha.
Ann an 1805 thòisich Robert air planaichean a dhèanamh airson taigh-solais air "Creag a' Chluig" a thogail. 'S e creag anns a' mhuir a th' ann an "Creag a' Chluig" a bhios mu dheidhinn trì mìle air fhichead bho Obar Bhrothaig. B' e obair glè dhoirbh agus chunnartach a bh' innte. Bha a' chreag fo uisge aig làn mara. Chaidh a h-uile rud feumail a thoirt ann air bàtaichean seòlaidh – clachan, iarainn agus luchd-obrach. Cha robh ach piocaidean agus spaideachan aca. Anns a' gheamhradh no nam bitheadh an t-sìde dona, stoirmeil cha b' urrainn dhaibh a bhith ag obair. Bho àm gu àm sgrios a' mhuir na thog iad. Ann an 1811 bha an taigh-solais deiseil.
Eadar 1811 agus 1833 thog Robert Stevenson sia taighean-solais dheug ann an Alba. Rinn e cuideachd planaichean airson drochaidean, claisean-uisge agus calaichean. Bha triùir den mhic agus dithis de na h-oghaichean aige nan fir-togail taighean-solais cuideachd.
Chaochail Robert Stevenson 12 an t-Iuchar 1850 ann an Dùn Èideann.
Taighean-solais
deasaich
Seo liosta de na taighean-solais a chaidh a thogail le Robert Stevenson:
- Taigh-solais Creag a' Chluig (Beurla: Bell Rock Lighthouse) (1811)
- Eilean Mhàigh (1816)
- Corsewall faisg air an t-Sròin Reamhair (1818)
- Point of Ayre air Eilean Mhanainn (1818)
- Calf of Man air Eilean Mhanainn (1818)
- Sumburgh Head air Sealtainn (1821)
- Na Roinn Ìleach air Orasaigh (1825)
- Buchan Ness (1827)
- Am Parbh (1828)
- Rubha an Tairbeirt (1830)
- Maol nan Gal (1830)
- Ceann Dùnaid (1831)
- Girdle Ness (1833)
- Beàrnaraigh Cheann Bharraigh (1833)
- Eilean Musdile (1833)
An teaghlach aige
deasaich- Robert Stevenson (1772–1850), innleadair Albannach is neach-togail taighean-solais
- Alan Stevenson (1807–1865), innleadair Albannach is neach-togail taighean-solais, mac
- David Stevenson (1815–1886), innleadair Albannach is neach-togail taighean-solais, mac
- David Alan Stevenson, ogha
- Charles Alexander Stevenson (1855–1950), innleadair Albannach is neach-togail taighean-solais, ogha
- Alan Stevenson (1891–1971), innleadair Albannach is neach-togail taighean-solais, iar-ogha
- Thomas Stevenson (1818–1887), innleadair Albannach is neach-togail taighean-solais, mac
- Robert Louis Stevenson (1850–1894), sgrìobhadair Albannach, ogha
Tùsan
deasaich- Bathurst, Bella (1999): The Lighthouse Stevensons. Harper Collins. ISBN 0060194278.