A Pena, Cenlle

Para outras páxinas con títulos homónimos véxase: A Pena.

San Lourenzo da Pena é unha parroquia do concello de Cenlle, provincia de Ourense. Segundo o IGE en 2013 tiña 119 habitantes (64 mulleres e 55 homes), 73 menos ca en 1999.

A Pena
Igrexa de San Lourenzo da Pena.
Concello	Cenlle
Provincia	Ourense
Coordenadas	42°20′41″N 8°06′30″O
Poboación	119 hab. (2013)
Entidades de poboación	7
[ editar datos en Wikidata ]

Limita coas parroquias de Esposende ao sur, a de Cenlle ao leste, as de Osmo e San Clodio ao norte e a de Bieite ao oeste. A igrexa de San Lourenzo está situada a medio camiño entre as aldeas da parroquia con estradas cara a Lentille, onde está a Casa Grande de Lentille, Roucos e Cuñas, onde está situado o santuario na honra de San Bieito. O curado é de entrada e ten por anexo o de Esposende.

Patrimonio

Houbo nesta freguesía un castelo do Conde de Ribadavia.

A Casa Grande de Lentille é un pazo situado no lugar de Lentille.

Hai tres cruceiros na parroquia: un xusto ao lado da parroquia, outro na estrada de Lentille e outro en Cuñas.

O Santuario de San Bieito de Cuñas.

A casa reitoral de San Lorenzo, tamén de fábrica románica, atópase en ruínas.

Lugares e parroquias

As dez parroquias que conforman o concello de Cenlle.

Galería de imaxes

• 
  Santuario de San Bieito.
• 
  Casa Grande de Lentille.

Véxase tamén

Outros artigos

• Lugares de Cenlle