Acento circunflexo

^
Acento circunflexo
Diacríticos do alfabeto latino
	acentos; acento agudo ( ´ ); acento agudo dobre ( ˝ ); acento circunflexo ( ^ ); acento grave ( ` ); acento grave dobre ( ̏ ); anel ( ° ); breve ( ˘ ); breve inversa ( ̑ ); caron ( ˇ ); cedilla ( ¸ ); corno ( ̛ ) ; diérese ( ¨ ); gancho ( ˛ ̢ ); gancho superior ( ̉ ); macron ( ¯ ); ogonek ( ˛ ); punto; punto inferior ( . ); punto medio ( · ); punto de lista ( • ); punto superior ( ˙ ); til ( ~ ); trazo ( ◌̸ );
Signos ortográficos empregados como diacríticos
	apóstrofo ( ’ ); barra ( / ); barra inversa ou invertida ( \ ); barra vertical ( \| ); coma ( , ); dous puntos ( : ); guión ( - );
Diacríticos de alfabetos non latinos
	Diacríticos do alfabeto árabe; Diacríticos do alfabeto cirílico; Diacríticos do alfabeto devanágari; Diacríticos do alfabeto grego; Diacríticos do alfabeto hebreo; Diacríticos do alfabeto tibetano; Diacríticos dos silabarios xaponeses;
Esta caixa: ver; conversa; editar;

O acento circunflexo é un signo diacrítico consistente nun pequeno ángulo co vértice arriba colocado sobre unha vogal ou unha consoante. O seu nome procede do latín circumflexus (dobrado en torno de), tradución do grego perispomene (περισπωμένη).

O acento circunflexo non se utiliza na norma oficial do galego, mais si na norma reintegracionista.

Uso en galego

En textos galegos actuais tan só aparece nalgunhas palabras estranxeiras non adaptadas en galego (crêpe) ou en nomes propios doutras linguas (L’Hôpital). En galego reintegracionista, úsase do mesmo xeito ca no portugués (vogais ê e mais ô pechadas, e algún a antes de nasais, ex. âncora).

Usos noutras linguas

En francés adoita representar a perda dun s.
En chewa, ŵ denota a bilabial fricativa sonora, de aí o nome do país Malaŵi.^[1]
Sinala vogais longas en galés e friulano.
En romanés, eslovaco e vietnamita modifica a pronuncia dalgunhas vocais.
En portugués indica vogais pechadas.
En esperanto úsanse ĉ, ĝ, ĥ, ĵ e ŝ, consideradas letras diferentes de c, g, h, j e s e que representan fonemas diferentes.

Uso en Matemáticas

En Matemáticas emprégase o circunflexo para indicar unha variable modificada.
En notación de conxuntos pode indicar un elemento que foi suprimido do conxunto, como en $\{x_{0},\dotsc ,{\hat {x}}_{i},\dotsc ,x_{n}\}$ , conxunto que contén todos os elementos $x_{0},\dotsc ,x_{n}$ agás $x_{i}$ .
En ocasións indica un vector unitario.
En Estatística representa un estimador dun parámetro.
Colócase tamén un circunflexo sobre o nome dun ángulo.

Notas

↑ "Malawi: Maláui, Malaui, Malauí, Malavi ou Malávi?". DicionarioeGramatica.com.br. Arquivado dende o orixinal o 17-08-2016. Consultado o 25-10-2015.

Véxase tamén

Outros artigos

Acento gráfico

[1] "Malawi: Maláui, Malaui, Malauí, Malavi ou Malávi?". DicionarioeGramatica.com.br. Arquivado dende o orixinal o 17-08-2016. Consultado o 25-10-2015.

[1]