Adobe

Este artigo trata sobre o material de construción. Para a empresa de software véxase: Adobe Inc..

O adobe palabra que provén do árabe al-tub (طوب), é un ladrillo sen cocer, feito con barro (arxila e area) mesturado con palla ou feo e secado ó sol, utilizado na construción; ; con eles constrúense diversos tipos de elementos construtivos, como paredes, muros e arcos.

Parede de adobe.

A técnica de elaboralos e o seu uso están estendidos por todo o mundo, atopándose en moitas culturas que nunca tiveron relación entre si. As estruturas de abobe son extraordinariamente duradeiras e as edificacións de adobe son as máis antigas que se conservan, na cidade de Çatalhöyük (Anatolia). Ademais, contan coa vantaxe de que nos climas cálidos conservan o interior frío, aínda que requiren dun mantemento continuo xa que a auga da chuvia desfai o adobe.