André Citroën

André Citroën, nado en París o 5 de febreiro de 1878 e finado o 3 de xullo de 1935 na mesma cidade, foi un enxeñeiro e industrial francés. Fundou a «Société Anonyme André Citroën» (coñecida coma Citroën) en 1919. Foi o primeiro en Europa en empregar métodos de traballo en cadea. Algunhas das súas innovacións foron o acendido eléctrico, a carrozaría monopraza e a tracción dianteira.

André Citroën

(1932)
Biografía
Nacemento	5 de febreiro de 1878 9º distrito de París, Francia
Morte	3 de xullo de 1935 (57 anos) París, Francia
Causa da morte	cancro de estómago
Lugar de sepultura	Cemiterio de Montparnasse, 28
Presidente Citroën
1919 – 1935 – Pierre Michelin (en)  →
Fundador Citroën
1919 –
Presidente Chambre syndicale de l'automobile et des industries (en)
Datos persoais
Educación	Liceo Condorcet Liceo Louis-le-Grand Escola Politécnica
Actividade
Campo de traballo	Industria do automóbil
Ocupación	emprendedor, industrial, enxeñeiro
Carreira militar
Rango militar	capitán
Comandante de (OBSOLETO)	Q2815905
Conflito	Primeira guerra mundial
Compañeiro profesional	Charles Rocherand (en)
Familia
Cónxuxe	Georgina Bingen
Fillos	Jacqueline Citroën, Bernard Citroën
Pais	Lévi Citroen   e Amelia Kleinmann
Irmáns	Fernande Citroën
Premios
(7 de xaneiro de 1931)  grande oficial da Lexión de Honra
Sinatura
Descrito pola fonte	Obálky knih,

Traxectoria

André Citroën era fillo dun xudeu holandés vendedor de diamantes, Levie Citroen, e Mazra Kleinmann nada en Polonia. Aos vinte anos graduouse na Ecole Polytechnique, a máis prestixiosa escola de enxeñería francesa.

O seu primeiro traballo foi nunha empresa de fabricación de rodas propiedade duns amigos da familia, onde viu o sistema de engrenaxe que lle serviu de inspiración para a dobre frecha ou chevron que empregou como logotipo nos seus coches. No ano 1912 Citroën visitou os Estados Unidos e a nova fábrica de Henry Ford onde observou os métodos de traballo en cadea empregados na produción do Model T e que permitían maior eficiencia na fabricación dos automóbiles. Durante a primeira guerra mundial Citroën fabricou armas e ao seu remate fundou en 1919 a «Société Anonyme André Citroën» dedicada á fabricación de automóbiles. O ano seguinte da súa inauguración fabricou 20.000 automóbiles. A principios dos anos trinta Citroën era o cuarto maior fabricante de automóbiles do mundo, pero en 1934 amoreaba débedas multitudinarias dos anos anteriores e, o maior acredor da compañía, o fabricante de pneumáticos Michelin tomou o control da fábrica, reducindo os gastos.

André Citroën faleceu dun cancro de estómago o 3 de xullo de 1935 en París.

Véxase tamén

Outros artigos

• Centro de Vigo de PSA Peugeot Citroën

Ligazóns externas

• Ligazóns Citroën (en neerlandés).